{"asset":"news","key":"10420","locale":"km","id":"news:10420:km","entityId":"news:10420","canonicalUrl":"https://www.kps-tv.com/km/news/detail/10420","state":"ready","title":"ក្រសួងរ៉ែបន្តចាត់ការមេខ្លោងរ៉ែមាសខុសច្បាប់ ព្រមទាំងពន្លឿនការបន្សាបសំណល់គីមីនៅមណ្ឌលគិរី","summary":"ក្រសួងរ៉ែ និងថាមពល នៅថ្ងៃទី២៣ ខែតុលា ឆ្នាំ២០២៦ បានបញ្ជាក់ពីការបន្តចាត់វិធានការច្បាប់លើអ្នកពាក់ព័ន្ធនឹងអាជីវកម្មរ៉ែមាសខុសច្បាប់ នៅតំបន់មេសំ ឃុំចុងផ្លាស់ ស្រុកកែវសីមា ខេត្តមណ្ឌលគិរី ដោយភ្ជាប់ជាមួយប្រតិបត្តិការប្រមូល និងបន្សាបសំណល់គីមី ដើម្បីការពារបរិស្ថាន និងប្រភពទឹក។ តាមសេចក្តីប្រកាសព័ត៌មានរបស់ក្រសួង ស្ថាប័នអយ្យការ និងតុលាការ កំពុងបន្តនីតិវិធីច្បាប់ចំពោះមេខ្លោង និងជនល្មើសពាក់ព័ន្ធនឹងសកម្មភាពជីករ៉ែអនាធិបតេយ្យ។","body":"ក្រសួងរ៉ែ និងថាមពល នៅថ្ងៃទី២៣ ខែតុលា ឆ្នាំ២០២៦ បានបញ្ជាក់ពីការបន្តចាត់វិធានការច្បាប់លើអ្នកពាក់ព័ន្ធនឹងអាជីវកម្មរ៉ែមាសខុសច្បាប់ នៅតំបន់មេសំ ឃុំចុងផ្លាស់ ស្រុកកែវសីមា ខេត្តមណ្ឌលគិរី ដោយភ្ជាប់ជាមួយប្រតិបត្តិការប្រមូល និងបន្សាបសំណល់គីមី ដើម្បីការពារបរិស្ថាន និងប្រភពទឹក។\n\nតាមសេចក្តីប្រកាសព័ត៌មានរបស់ក្រសួង ស្ថាប័នអយ្យការ និងតុលាការ កំពុងបន្តនីតិវិធីច្បាប់ចំពោះមេខ្លោង និងជនល្មើសពាក់ព័ន្ធនឹងសកម្មភាពជីករ៉ែអនាធិបតេយ្យ។ ទន្ទឹមនឹងនេះ ក្រសួងបានសហការជាមួយក្រុមហ៊ុនស្របច្បាប់ ដើម្បីប្រមូលកាកសំណល់រ៉ែដែលមានសារធាតុគីមី យកទៅបន្សាបតាមបច្ចេកទេសនៅទីតាំងមានសុវត្ថិភាព។\n\nវិធានការនេះមានគោលបំណងទប់ស្កាត់ការជ្រាបសារធាតុគីមីចូលក្នុងប្រភពទឹកលើដី និងក្រោមដី ដែលអាចបង្កគ្រោះថ្នាក់ដល់បរិស្ថាន និងសុខុមាលភាពសាធារណៈ។\nក្រសួងក៏បានលើកឡើងថា ការតវ៉ារបស់អាជីវករខុសច្បាប់មួយចំនួនតាមបណ្តាញសង្គម មិនបានឆ្លុះបញ្ចាំងពីហានិភ័យពិតប្រាកដនៃការប្រើប្រាស់គ្រឿងចក្រ រំសេវផ្ទុះ និងសារធាតុគីមីក្នុងសកម្មភាពទាំងនេះឡើយ។\nជាមួយគ្នានេះ ក្រសួងបានអំពាវនាវឱ្យអាជ្ញាធរ និងភាគីពាក់ព័ន្ធរួមគ្នាទប់ស្កាត់អាជីវកម្មរ៉ែខុសច្បាប់ និងគាំទ្រតែសកម្មភាពរ៉ែដែលអនុវត្តតាមច្បាប់ ដើម្បីធានាផលប្រយោជន៍សេដ្ឋកិច្ច និងសហគមន៍ ព្រមទាំងការពារធនធានធម្មជាតិ និងសុខភាពប្រជាពលរដ្ឋ៕អត្ថបទដោយ៖ សុភ័ក្រ្ត","contentScope":"full","proof":{"publishedSourceRevision":"2","publishedWorkingVersionId":"14278","languageVersionId":"8085","visibilityVersion":"6","versionToken":"a1.UpmT4FiEdSyQwAAC1xyJmTb6RFYVnmUhMonNdeXItMc"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":""},"references":[],"links":[],"publishedAt":"2026-10-24T03:34:36Z"}