{"asset":"news","key":"10447","locale":"km","id":"news:10447:km","entityId":"news:10447","canonicalUrl":"https://www.kps-tv.com/km/news/detail/10447","state":"ready","title":"ក្បួនម៉ូតូធំជាង ២០០គ្រឿង ប្រមូលផ្តុំអបអរខួប ៥ឆ្នាំ ស្នងការដ្ឋាននគរបាលខេត្ត ចាត់កម្លាំងសម្រួលសណ្ដាប់ធ្នាប់ និងលើកកម្ពស់ទេសចរណ៍","summary":"ខេត្តព្រះសីហនុ៖ នៅថ្ងៃទី២៤ ខែតុលា ឆ្នាំ២០២៦ ក្រោមការចង្អុលបង្ហាញផ្ទាល់ពី ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរងនគរបាលជាតិ និងជាស្នងការនគរបាលខេត្តព្រះសីហនុ លោកវរសេនីយ៍ត្រី ចាន់ ពេជ្ររស្មី នាយការិយាល័យនគរបាលសណ្ដាប់ធ្នាប់ បានដឹកនាំកម្លាំងជំនាញ ចុះរៀបចំសណ្ដាប់ធ្នាប់ និងសម្រួលចរាចរណ៍តាមគោលដៅសំខាន់ៗ ជូនដល់ក្រុមម៉ូតូធំ (Satunadi MC Cambodia) ក្នុងឱកាសប្រារព្ធពិធីគម្រប់ខួបលើកទី៥ នៃការបង្កើតក្លឹប។ ប្រតិបត្តិការនេះបានធ្វើឡើងនៅចំណុចមុខវេទិកា ៧មករា និងតំបន់រង្វង់មូលតោពីរ ដែលជាចំណុចកណ្តាលនៃក្បួនដង្ហែរម៉ូតូធំសរុបជាង ២០០គ្រឿង ក្នុងភូមិសាស្ត្រក្រុងព្រះសីហនុ។","body":"ខេត្តព្រះសីហនុ៖ នៅថ្ងៃទី២៤ ខែតុលា ឆ្នាំ២០២៦ ក្រោមការចង្អុលបង្ហាញផ្ទាល់ពី ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរងនគរបាលជាតិ និងជាស្នងការនគរបាលខេត្តព្រះសីហនុ លោកវរសេនីយ៍ត្រី ចាន់ ពេជ្ររស្មី នាយការិយាល័យនគរបាលសណ្ដាប់ធ្នាប់ បានដឹកនាំកម្លាំងជំនាញ ចុះរៀបចំសណ្ដាប់ធ្នាប់ និងសម្រួលចរាចរណ៍តាមគោលដៅសំខាន់ៗ ជូនដល់ក្រុមម៉ូតូធំ (Satunadi MC Cambodia) ក្នុងឱកាសប្រារព្ធពិធីគម្រប់ខួបលើកទី៥ នៃការបង្កើតក្លឹប។\n\nប្រតិបត្តិការនេះបានធ្វើឡើងនៅចំណុចមុខវេទិកា ៧មករា និងតំបន់រង្វង់មូលតោពីរ ដែលជាចំណុចកណ្តាលនៃក្បួនដង្ហែរម៉ូតូធំសរុបជាង ២០០គ្រឿង ក្នុងភូមិសាស្ត្រក្រុងព្រះសីហនុ។\nការចូលរួមសម្រួលសណ្ដាប់ធ្នាប់ និងការពារសុវត្ថិភាពពីសំណាក់កម្លាំងនគរបាលនាពេលនេះ មិនត្រឹមតែធានាបាននូវរបៀបរៀបរយ និងសុវត្ថិភាពចរាចរណ៍ប៉ុណ្ណោះទេ ប៉ុន្តែថែមទាំងរួមចំណែកយ៉ាងសំខាន់ក្នុងការលើកកម្ពស់សក្ដានុពល នៃវិស័យទេសចរណ៍ក្នុងខេត្តព្រះសីហនុ ឱ្យកាន់តែមានភាពទាក់ទាញ និងបង្ហាញពីភាពកក់ក្តៅដល់ភ្ញៀវទេសចរជាតិ និងអន្តរជាតិផងដែរ៕ដោយ៖ ប៉ៃ សុឃីម","contentScope":"full","proof":{"publishedSourceRevision":"2","publishedWorkingVersionId":"14285","languageVersionId":"8241","visibilityVersion":"4","versionToken":"a1.Oy7durBCiHfDvQo9T56v0AcVKoeC8ufZnpdC67U8fEY"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":""},"references":[],"links":[],"publishedAt":"2026-10-24T10:12:06Z"}