{"asset":"news","key":"10548","locale":"km","id":"news:10548:km","entityId":"news:10548","canonicalUrl":"https://www.kps-tv.com/km/news/detail/10548","state":"ready","title":"សម្តេចធិបតី ហ៊ុន ម៉ាណែត ជួបគ្រូបង្គោល និងនាយកសាលា ១៦០សាលា ដើម្បីជំរុញការអនុវត្តកម្មវិធីសិក្សាថែមម៉ោង និងលើកកម្ពស់គុណភាពអប់រំ","summary":"សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី២៧ ខែតុលា ឆ្នាំ២០២៦ បានជួបសំណេះសំណាលជាមួយលោកគ្រូ អ្នកគ្រូបង្គោល ព្រមទាំងនាយក និងនាយិកានៃសាលារៀនចំនួន ១៦០សាលា ដែលជាសាលាគោលដៅរបស់គណៈកម្មាធិការជាតិជំរុញការអនុវត្តវិធានការគន្លឹះក្នុងវិស័យអប់រំ (គ. វ.","body":"សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅថ្ងៃទី២៧ ខែតុលា ឆ្នាំ២០២៦ បានជួបសំណេះសំណាលជាមួយលោកគ្រូ អ្នកគ្រូបង្គោល ព្រមទាំងនាយក និងនាយិកានៃសាលារៀនចំនួន ១៦០សាលា ដែលជាសាលាគោលដៅរបស់គណៈកម្មាធិការជាតិជំរុញការអនុវត្តវិធានការគន្លឹះក្នុងវិស័យអប់រំ (គ.វ.អ.) ដើម្បីពិនិត្យវឌ្ឍនភាពការងារ និងស្វែងរកដំណោះស្រាយលើបញ្ហាប្រឈមក្នុងការអនុវត្តកម្មវិធីសិក្សាថែមម៉ោង។\n ជំនួបនេះបង្ហាញពីការយកចិត្តទុកដាក់លើការលើកកម្ពស់គុណភាពអប់រំ តាមរយៈការស្តាប់ដោយផ្ទាល់នូវលទ្ធផលការងារ បញ្ហាប្រឈម និងបទពិសោធន៍ពីអ្នកអប់រំដែលកំពុងអនុវត្តការងារជាក់ស្តែងនៅតាមសាលារៀន។\n ក្នុងឱកាសនេះ ការពិភាក្សាផ្តោតលើការវាយតម្លៃលទ្ធផលនៃការអនុវត្តកម្មវិធីសិក្សាថែមម៉ោង និងការស្វែងរកវិធីសាស្ត្របន្ថែម ដើម្បីជំរុញការអប់រំនៅកម្រិតមូលដ្ឋានឱ្យកាន់តែមានប្រសិទ្ធភាព ព្រមទាំងធានាឱ្យការបង្រៀន និងរៀនឆ្លើយតបនឹងស្តង់ដាបណ្តុះបណ្តាល និងគុណភាពអប់រំដែលបានកំណត់។\n\nការយកចិត្តទុកដាក់លើវិស័យអប់រំ គឺជាកត្តាសំខាន់ក្នុងការអភិវឌ្ឍធនធានមនុស្ស និងត្រៀមលក្ខណៈដល់កុមារ និងយុវជនសម្រាប់អនាគត។ ការលើកកម្ពស់គុណភាពអប់រំមិនត្រឹមតែផ្តោតលើចំណេះដឹងប៉ុណ្ណោះទេ ប៉ុន្តែថែមទាំងរួមបញ្ចូលការបណ្តុះឥរិយាបថល្អ សីលធម៌ វិន័យ និងស្មារតីទទួលខុសត្រូវរបស់សិស្សានុសិស្សផងដែរ។\n ជាមួយគ្នានេះ ការចូលរួមពីថ្នាក់ដឹកនាំសាលារៀន និងគ្រូបង្រៀន មានសារៈសំខាន់ក្នុងការកំណត់បញ្ហាជាក់ស្តែង និងជំរុញការកែលម្អការបង្រៀនឱ្យកាន់តែប្រសើរ ដើម្បីឱ្យសិស្សានុសិស្សនៅតាមសាលារៀនទូទាំងប្រទេសទទួលបានការអប់រំប្រកបដោយគុណភាព និងសមធម៌។\n\n ជំនួបនេះជាឱកាសមួយសម្រាប់ពង្រឹងការអនុវត្តវិធានការគន្លឹះក្នុងវិស័យអប់រំ និងជំរុញកិច្ចសហការរវាងអ្នកពាក់ព័ន្ធ ដើម្បីឈានទៅរកការកែលម្អគុណភាពសិក្សា និងការអភិវឌ្ឍធនធានមនុស្សប្រកបដោយចីរភាពនៅកម្ពុជា៕ ដោយ៖ សុភ័ក្រ្ត","contentScope":"full","proof":{"publishedSourceRevision":"2","publishedWorkingVersionId":"15305","languageVersionId":"11594","visibilityVersion":"4","versionToken":"a1.Tk7XLw6Mw9H7pdsNlvQvX_5HtoEolCBcZ2I5vXdV014"},"availableLocales":["zh","en","km"],"attributes":{"sourceLocale":"km","translationKind":"original","nodeId":"1","authorText":"","sourceName":""},"references":[],"links":[],"publishedAt":"2026-10-27T07:19:20Z"}