{"asset":"news","key":"3403","locale":"km","id":"news:3403:km","entityId":"news:3403","canonicalUrl":"https://www.kps-tv.com/km/news/detail/3403","state":"ready","title":"តំបន់មួយចំនួនរបស់កម្ពុជានឹងចុះត្រជាក់ដល់១៨អង្សាសេដល់ថ្ងៃ៣០វិច្ឆិកា!","summary":"ក្រសួងធនធានទឹកព្យាករថា តំបន់ខ្លះនឹងចុះត្រជាក់ដល់១៨អង្សាសេ នៅថ្ងៃទី២៨–៣០ ខែវិច្ឆិកា ខណៈវាលទំនាបនិងមាត់សមុទ្រប្រហែល២០អង្សាសេ និងរលក០,៥០–១,៥០ម៉ែត្រ។","body":"សីតុណ្ហភាពនឹងចុះត្រជាក់ដល់១៨អង្សាសេនៅតាមបណ្តាខេត្តកំពង់ស្ពឺ ប៉ៃលិន ឧត្តរមានជ័យ ព្រះវិហារ ក្រចេះ ស្ទឹងត្រែង រតនគិរី មណ្ឌលគិរី និងតំបន់ជួរភ្នំដងរែក ព្រមទាំងតំបន់ជួរភ្នំក្រវាញរបស់ប្រទេសកម្ពុជា។ ការណ៍ដែលនាំឱ្យធាតុអាកាសចុះត្រជាក់ដូច្នេះ ដោយសារសម្ពាធទាបដែលកើតនៅមហាសមុទ្រប៉ាស៊ីហ្វិកខាងលិច និងសមុទ្រចិនខាងត្បូងបានវិវត្តទៅជាព្យុះទី២៧ឈ្មោះ កូតូ (Koto) T2527 ហើយមានឥទ្ធិពលខ្លាំងលើរបបខ្យល់មូសុងឦសានដែលបក់លើអាងទន្លេមេគង្គ សមុទ្រកម្ពុជា សមុទ្រអានដាមម៉ែន និងលើប្រទេសកម្ពុជា។\nប៉ុន្តែក្រសួងធនធានទឹក និងឧតុនិយម បានបញ្ជាក់ថា កម្ពុជាដែលស្ថិតនៅក្បែរគន្លងផ្លូវដើររបស់ព្យុះនេះ ទទួលរងឥទ្ធិពលត្រឹមកម្រិត ២០ភាគរយប៉ុណ្ណោះ នៅចន្លោះរវាងចាប់ពីថ្ងៃទី២៦ដល់ថ្ងៃទី៣០ ខែវិច្ឆិកា។ តាមការជូនដំណឹងរបស់ក្រសួងធនធានទឹក ឥទ្ធិពលនេះ នឹងធ្វើឱ្យតំបន់មួយចំនួនរបស់កម្ពុជាចុះត្រជាក់ដល់១៨អង្សាសេ ចាប់ពីថ្ងៃទី២៨ ដល់ថ្ងៃទី៣០ ខែវិច្ឆិកា ឆ្នាំ២០២៥ ហើយពុំមានភ្លៀងធ្លាក់ទេ។ ចំណែក នៅតាមតំបន់វាលទំនាប និងតំបន់មាត់សមុទ្រ មានសីតុណ្ហភាពចុះត្រជាក់ត្រឹម ២០អង្សាសេ។ រីឯ រលកសមុទ្រមានកម្ពស់ចន្លោះពី ០,៥០ម៉ែត្រទៅ១,៥០ម៉ែត្រ៕\nដោយ៖ ង៉ែត ពិសាន្ត","contentScope":"full","proof":{"publishedSourceRevision":"1","publishedWorkingVersionId":"16448","languageVersionId":"13894","visibilityVersion":"2","versionToken":"a1.lvlC-PVMsogIO3JRySjb4X-6_nBcUNwUQnlXAiwvRxY"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2025-11-28T03:10:35Z"}