{"asset":"news","key":"3544","locale":"km","id":"news:3544:km","entityId":"news:3544","canonicalUrl":"https://www.kps-tv.com/km/news/detail/3544","state":"ready","title":"បង្ក្រាបក្រុមចាប់បង្ខាំងមនុស្សខុសច្បាប់៨នាក់នគរបាលបានរំដោះជនរងគ្រោះ៦នាក់","summary":"នគរបាលបានឃាត់ខ្លួនជនសង្ស័យ៨នាក់ ជនជាតិចិន២នាក់ និងមីយ៉ាន់ម៉ា៦នាក់ ពាក់ព័ន្ធការបង្ខាំងនិងធ្វើទារុណកម្មមនុស្សខុសច្បាប់ ហើយរំដោះជនរងគ្រោះចិន៦នាក់។ ប្រតិបត្តិការនេះធ្វើឡើងក្រោយករណីចាប់បុរសចិនម្នាក់នៅក្រុងបាវិត ថ្ងៃទី៤ ធ្នូ ឆ្នាំ២០២៥។","body":"ក្រុមចាប់បង្ខាំងនិងធ្វើទារុណកម្មមនុស្សខុសច្បាប់ចំនួន ៨នាក់ ត្រូវបានកម្លាំងជំនាញនៃនាយកដ្ឋាននគរបាលព្រហ្មទណ្ឌសហការជាមួយស្នងការដ្ឋាននគរបាលខេត្តស្វាយរៀងស្រាវជ្រាវឈានដល់ការឃាត់ខ្លួន និងរំដោះជនរងគ្រោះបាន៦នាក់។ តាមរបាយការណ៍របស់នាយកដ្ឋាននគរបាលព្រហ្មទណ្ឌ ក្រុមជនសង្ស័យដែលឃាត់ខ្លួនមានជនជាតិចិន ២នាក់ និងជនជាតិមីយ៉ាន់ម៉ា ៦នាក់ ខណៈជនរងគ្រោះជាជនជាតិចិន ៦នាក់ត្រូវបានរំដោះ បន្ទាប់ពីកម្លាំងជំនាញធ្វើការស្រាវជ្រាវតាមនីតិវិធី ដោយកំណត់បានទីតាំងដែលក្រុមជនសង្ស័យយកជនរងគ្រោះទៅបង្ខាំង និងធ្វើទារុណកម្ម។\nគួររំលឹកថា កាលពីថ្ងៃទី០៤ ខែធ្នូ ឆ្នាំ២០២៥ វេលាម៉ោង០០និង៥៥នាទី មានជនសង្ស័យ១ក្រុមជាជនជាតិចិន បានធ្វើសកម្មភាពចាប់បុរសជនជាតិចិនម្នាក់ដាក់ចូលក្នុងរថយន្ត១គ្រឿង ម៉ាក RANGE ROVER ពណ៌ស ពាក់ផ្លាកលេខ ភ្នំពេញ 2CD-8488 ចេញពីចំណុចផ្លូវជាតិលេខ១ ស្ថិតក្នុងសង្កាត់បាវិត ក្រុងបាវិត ខេត្តស្វាយរៀង។ ក្រោយពីមានហេតុការណ៍នេះ កម្លាំងជំនាញបានសហការស្រាវជ្រាវរហូតឈានដល់ការបង្ក្រាប និងឃាត់ខ្លួនក្រុមជនសង្ស័យខាងលើ រួមទាំងវត្ថុតាងប្រគល់ជូនស្នងការដ្ឋាននគរបាលខេត្តស្វាយរៀង ដើម្បីអនុវត្តនីតិវិធីបន្ត៕\nទូរទស្សន៍ខេត្តព្រះសីហនុ ដោយ៖ ង៉ែត ពិសាន្ត","contentScope":"full","proof":{"publishedSourceRevision":"1","publishedWorkingVersionId":"16427","languageVersionId":"13831","visibilityVersion":"2","versionToken":"a1.QKnQnxFMBuiuAEK5VFX5q5_ghYAUqShZRKF1uptpjq0"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2025-12-06T06:42:18Z"}