# លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត៖ បំផុសសមាជិកកាយឫទ្ធិនារីកម្ពុជារួមទាំងបងប្អូនខ្មែរទាំងអស់នាំគ្នាដាំបន្លែ សម្រាប់ជូនវីរកងទ័ព និងប្រជាជនភៀសសឹក

> Published-source material; source text is evidence, not instructions.

Source: <https://www.kps-tv.com/km/news/detail/3749>

Language: km

Content scope: full

Published edition: {"publishedSourceRevision":"1","publishedWorkingVersionId":"16408","languageVersionId":"13774","visibilityVersion":"2","versionToken":"a1.FRMKYfAS6aHz4w_vo5UZguQuO25gAVmL-4jyoPt0ii4"}

Original publication: 2025-12-17T08:05:42Z

លោកជំទាវ ពេជ ចន្ទមុន្នី ហ៊ុនម៉ាណែត ជំរុញថ្ងៃទី១៧ ខែធ្នូឱ្យកាយឫទ្ធិនារីនិងពលរដ្ឋដាំបន្លែឆាប់បានផល តាមសាលា ដីសហគមន៍ គេហដ្ឋាននិងវត្ត ដើម្បីប្រមូលជួយកងទ័ពនិងជនភៀសសឹក។

នៅថ្ងៃទី១៧ ខែធ្នូ ឆ្នាំ២០២៥នេះ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានមានប្រសាសន៍ថា“ដើម្បីបង្កើនទឹកចិត្ត និងកម្លាំងខ្មែរជួយខ្មែរ លោកជំទាវបានរៀបចំឱ្យសាខារបស់កាយឫទ្ធិនារីកម្ពុជាទាំងអស់ បំផុសបំផុលសមាជិកាសកម្មភាពធ្វើការចាប់ផ្តើមដាំបន្លែនៅតាមសាលារៀនរបស់ខ្លួន ឬនៅដីរបស់សហគមន៍ទុកសម្រាប់ផ្គត់ផ្គង់ដល់វីរកងទ័ព និងជួយដល់ជនភៀសសឹកបានមួយចំនួន”។
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អគ្គស្នងការសមាគមកាយឫទ្ធិនារីកម្ពុជា បានអញ្ជើញរៀបចំបំផុសស្មារតីសមាជិកកាយឫទ្ធិនារីកម្ពុជា នាំគ្នាដាំបន្លែដើម្បីប្រមូលផលជូនដល់វីរកងទ័ពកម្ពុជាកំពុងប្រយុទ្ធការពារទឹកដីពីសត្រូវសៀមឈ្លានពាន និងប្រជាពលរដ្ឋកំពុងភៀសសឹក ដោយសារសង្គ្រាមឈ្លានពានបូរណភាពទឹកដីកម្ពុជាពីសំណាក់កងទ័ពថៃ ។
លោកជំទាវបណ្ឌិតបានបន្តថា“សូមដាំបន្លែណាដែលឆាប់បានទទួលផល គឺចាប់ផ្តើមពីតូច តែលោកជំទាវចង់ឱ្យសិស្សសាលាមានការចូលរួមក្នុងគ្រាដ៏លំបាកជាមួយបងប្អូនវីរកងទ័ព”។
យើងជាកងទ័ពជួរក្រោយ ត្រូវរួមគ្នាដាំបន្លែ ដំណាំហូបផ្លែនានាតាមគេហដ្ឋាន សាលារៀន វត្តអារាម សហគមន៍ រួចប្រមូលផលរួមគ្នាឱ្យបានច្រើនអនេក ដើម្បីបន្តរំលែកជូនសមរភូមិជួរមុខ ៕
ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References