{"asset":"news","key":"3845","locale":"km","id":"news:3845:km","entityId":"news:3845","canonicalUrl":"https://www.kps-tv.com/km/news/detail/3845","state":"ready","title":"ក្រសួងកសិកម្ម រៀបចំកន្លែងដាំបន្លែ និងចិញ្ចឹមសត្វ ដែលប្រមូលផលក្នុងរយៈពេលខ្លី ដើម្បីផ្គត់ផ្គង់ជនភៀសសឹក","summary":"ក្រសួងកសិកម្មកំពុងពន្លឿនការរៀបចំកន្លែងដាំបន្លែ និងផលិតកម្មសត្វនៅខេត្តបន្ទាយមានជ័យ ដើម្បីផ្គត់ផ្គង់ដល់ជនភៀសសឹក។","body":"ក្រសួងកសិកម្មបាន និងកំពុងញាប់ដៃញាប់ជើងក្នុងការរៀបចំកន្លែងដាំបន្លែនិងកន្លែងផលិតកម្មសត្វនៅខេត្តបន្ទាយមានជ័យ ដើម្បីផ្គត់ផ្គង់ដល់ជនភៀសសឹកនេះបើតាមការឲ្យដឹងពីឯកឧត្តម ប្រាក់ ដាវីដ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី១៨ ខែធ្នូ ឆ្នាំ២០២៥ ។\nឯកឧត្តមរដ្ឋលេខាធិការក្រសួងកសិកម្មបានបញ្ជាក់ថា បន្លែដែលបាន និងកំពុងដាំនេះ ជាបន្លែដែលមានរយៈពេលខ្លី ឆាប់បានប្រមូលផល ហើយក្រុមការងារកំពុងតែរៀបចំបានមួយជំហានហើយ និងកំពុងពន្លឿនដំណើរការនេះ។\nដោយឡែក មន្ត្រី និងអ្នកជំនាញផ្សេងទៀតបានយល់ថា នៅក្នុងកាលៈទេសៈដែលកម្ពុជាកំពុងរងការឈ្លានពានពីសំណាក់ភាគីថៃនេះ ទាមទារឱ្យកម្លាំងជួរក្រោយបង្កើនការដាំដុះដំណាំផ្សេងៗសម្រាប់ផ្គត់ផ្គង់ដល់វីរកងទ័ពជួរមុខកម្ពុជា ដែលកំពុងប្រយុទ្ធទប់ទល់នឹងការឈ្លានពានរបស់យោធាថៃនិងរដ្ឋាភិបាលថៃ ក៏ដូចជាដើម្បីរក្សាស្ថិរភាពសន្តិសុខស្បៀងនៅក្នុងប្រទេសកម្ពុជាផងដែរ។\nសូមបញ្ជាក់ផងដែរថា៖ លោកជំទាវ ពេជ ចន្ទមុន្នី ហ៊ុន ម៉ាណែត បានអំពាវនាវឱ្យមានចលនាស្នេហាជាតិមួយ តាមរយៈជំរុញដល់សិស្សានុសិស្សដាំដុះបន្លែ ដែលអាចប្រមូលផលបានក្នុងរយៈពេលខ្លី ដើម្បីអាចជួយផ្គត់ផ្គង់ដល់ពលរដ្ឋភៀសសឹក ខណៈក្រសួងកសិកម្ម ក៏បានធ្វើសកម្មភាពនេះរួចផងដែរនៅក្នុងតំបន់ដែលមានពលរដ្ឋភៀសសឹកច្រើន ដូចជា ខេត្តបន្ទាយមានជ័យ ឧត្តរមានជ័យ ខេត្តសៀមរាប និងខេត្តព្រះវិហារជាដើម៕\nទូរទស្សន៍ខេត្តព្រះសីហនុ ដោយ៖ ប៉ៃ សុឃីម","contentScope":"full","proof":{"publishedSourceRevision":"1","publishedWorkingVersionId":"16102","languageVersionId":"13290","visibilityVersion":"2","versionToken":"a1.Ohe_zByKMFD5ccJxT97MKbc2t0oxilQCqBDRRVN7NKo"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2025-12-22T08:51:57Z"}