# រដ្ឋមន្ត្រីការពារជាតិថៃ ទទួលស្គាល់ថា ប្រទេសនានាមើលឃើញថា ថៃជាភាគីឈ្លានពានលើទឹកដីកម្ពុជា

> Published-source material; source text is evidence, not instructions.

Source: <https://www.kps-tv.com/km/news/detail/3860>

Language: km

Content scope: full

Published edition: {"publishedSourceRevision":"1","publishedWorkingVersionId":"16090","languageVersionId":"13254","visibilityVersion":"2","versionToken":"a1.b6D2zGBf5p52ZDsEcKABcPQxxafRRhJXFAjfcMAseXU"}

Original publication: 2025-12-23T06:27:27Z

តាម Khaosod English រដ្ឋមន្ត្រីការពារជាតិថៃថ្លែងថា គ្មានប្រទេសណាឈរខាងថៃពិតប្រាកដ ហើយប្រទេសនានាមើលឃើញថៃកំពុងឈ្លានពានកម្ពុជា។

បើយោងតាមសារព័ត៌មាន Khaosod English របស់ថៃ ដែលបានចុះផ្សាយនៅថ្ងៃអង្គារ ទី២៣ ខែធ្នូនេះ បានដកស្រង់សម្ដីរបស់រដ្ឋមន្ត្រីការពារជាតិថៃថា «គ្មានប្រទេសណាមួយឈរនៅខាងប្រទេសថៃយ៉ាងពិតប្រាកដនោះទេ»។
លោក ណាត់ថាផុន ណាកផានីត (Natthaphon Narkphanit) បានលើកឡើងថា «គ្មានប្រទេសណាឈរនៅខាងយើងយ៉ាងពិតប្រាកដឡើយ។ ប្រទេសនីមួយៗនិយាយហាក់ដូចជាខ្លួនឯងឈរនៅកណ្តាល ឬមានភាពអព្យាក្រឹត ប៉ុន្តែនៅក្នុងជាក់ស្តែង ពួកគេបែរជាឈរនៅខាងកម្ពុជា ទោះបីជាអះអាងថាខ្លួនមិនលម្អៀងក៏ដោយ។ ពួកគេស្តាប់តែព័ត៌មានពីខាងកម្ពុជា ហើយមើលឃើញថា ប្រទេសថៃជាប្រទេសធំ ដែលកំពុងធ្វើសកម្មភាពឈ្លានពានលើប្រទេសកម្ពុជា»។
លោកបានបន្តថា «ដូច្នេះ គ្មានប្រទេសណាមួយឈរនៅខាងយើងឡើយ។ ខ្ញុំមិនឃើញមានប្រទេសណាមួយថ្កោលទោសកម្ពុជា ចំពោះបញ្ហាការដាក់មីននៅក្នុងទឹកដីថៃទេ។ ផ្ទុយទៅវិញ ប្រទេសទាំងនោះមានតែអំពាវនាវឱ្យថៃ បន្ថយការប្រើប្រាស់អាវុធ និងកាត់បន្ថយភាពតានតឹងប៉ុណ្ណោះ»៕
ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References