# អតីតតំណាងរាស្ត្រឥណ្ឌា៖ ការបំផ្លាញរូបបដិមាអាទិទេពហិណ្ឌូ ដោយយោធាថៃ ក្នុងជម្លោះជាមួយកម្ពុជា មិនអាចទទួលយកបាន

> Published-source material; source text is evidence, not instructions.

Source: <https://www.kps-tv.com/km/news/detail/3880>

Language: km

Content scope: full

Published edition: {"publishedSourceRevision":"1","publishedWorkingVersionId":"16075","languageVersionId":"13209","visibilityVersion":"2","versionToken":"a1.lq2XQr9-gwBdYR-31xnlQVdOGEzKg-jav274UvYBmBM"}

Original publication: 2025-12-24T09:25:16Z

លោក Vijayasai Reddy អតីតតំណាងរាស្ត្រឥណ្ឌា បានបង្ហោះសារលើ X ថ្ងៃទី២៣ ខែធ្នូ រិះគន់ការបំផ្លាញរូបសំណាក់អាទិទេពហិណ្ឌូដោយយោធាថៃ និងការវាយប្រហារលើជំនឿសាសនា និងមរតកវប្បធម៌។

អតីតតំណាងរាស្ត្រឥណ្ឌាម្នាក់ កាលពីថ្ងៃទី២៣ ខែធ្នូ បានបង្ហោះសារតាមបណ្តាញសង្គមរិះគន់លើសកម្មភាពរបស់ក្រុមយោធាថៃ ដែលបានប្រើគ្រឿងចក្រកម្ទេចរូបសំណាក់អាទិទេពហិណ្ឌូ នៅក្នុងព្រំដែនកម្ពុជា។ ការវាយកម្ទេចនេះ បានកើតមានឡើង នៅពេលដែលយោធាថៃប្រើកម្លាំងយោធាវាយប្រហារចូលក្នុងទឹកដីកម្ពុជា។ 
លោក Vijayasai Reddy ដែលជាអតីតអ្នកនយោបាយឥណ្ឌាម្នាក់ បានសរសេរលើបណ្តាញសង្គម X ថា «ការបំផ្លិចបំផ្លាញរូបបដិមាតំណាងឱ្យអាទិទេពហិណ្ឌូ ក្រោមលេសនៃវិវាទព្រំដែន គឺជាទង្វើដែលមិនអាចទទួលយកបាន។ ទោះបីជាជារូបចម្លាក់នោះ ត្រូវបានសាងសង់ឡើងដោយភាគីកម្ពុជា ឬមិនមែនក៏ដោយ ការវាយប្រហារលើជំនឿសាសនា និងមរតកវប្បធម៌ គឺជាការបង្ហាញឱ្យឃើញពីភាពគ្មានការយោគយល់គ្នា។
លោកបន្តថា «ទាំងប្រទេសថៃ និងប្រទេសកម្ពុជា សុទ្ធសឹងតែជាប្រទេសកាន់សាសនាព្រះពុទ្ធ ប៉ុន្តែប្រវត្តិសាស្ត្របានកត់ត្រានូវការធ្វើទុក្ខបុកម្នេញម្តងហើយម្តងទៀតលើប្រាសាទហិណ្ឌូ និងការប៉ុនប៉ងលុបបំបាត់ចោល។ អំពើហិង្សាលើនិមិត្តរូបសក្ការៈ មិនអាចលាងជម្រះដោយគ្រាន់តែប្រើពាក្យស្លោកបានឡើយ។ ហើយគ្មានសាសនាណាមួយអាចកសាងសន្តិភាពរបស់ខ្លួន តាមរយៈការបំផ្លិចបំផ្លាញជំនឿសាសនារបស់អ្នកដទៃនោះទេ»៕
ដោយ៖ ចិន្តា ទីទិ

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References