# ពលរដ្ឋខ្មែររាប់ពាន់នាក់លើកបដា«កម្ពុជាត្រូវការសន្តិភាព»បង្ហាញពិភពលោកក្រោយថៃឈ្លានពានទឹកដី

> Published-source material; source text is evidence, not instructions.

Source: <https://www.kps-tv.com/km/news/detail/3918>

Language: km

Content scope: full

Published edition: {"publishedSourceRevision":"1","publishedWorkingVersionId":"16066","languageVersionId":"13182","visibilityVersion":"2","versionToken":"a1.NZpdr6hXnS38S_n70PZAbaanJLjQ5Kk-qod5zChqSDc"}

Original publication: 2025-12-26T07:24:04Z

ព្រះសង្ឃ ពុទ្ធបរិស័ទ និងសិស្សានុសិស្សរាប់ពាន់នាក់ដើរជើងទទេដើម្បីសន្តិភាពនៅសៀមរាប ថ្ងៃទី២៤ ខែធ្នូ ដោយលើកបដាសន្តិភាពនិងការរៀនសូត្រ អមដោយទង់ជាតិនិងទង់សាសនា។

«កម្ពុជាត្រូវការសន្តិភាព-Cambodia Needs Peace» «មនុស្សជាតិត្រូវការសន្តិភាព» និង«ខ្ញុំចង់រៀន» ជាពាក្យនៅលើបដាដែលប្រជាពលរដ្ឋខ្មែររាប់ពាន់នាក់លើកឡើងបង្ហាញទៅកាន់ពិភពលោក ក្រោយពីយោធាថៃបានបើកការឈ្លានពានទឹកដីកម្ពុជាទាំងកម្រោល។ ក្នុងព្រឹត្តិការណ៍ «ការដើរដោយជើងទទេដើម្បីសន្តិភាព» នៅក្រុងសៀមរាប កាលពីថ្ងៃទី២៤ ខែធ្នូ ឆ្នាំ២០២៥  អ្នកចូលរួមរាប់ពាន់នាក់ មានទាំងព្រះសង្ឃ ពុទ្ធបរិសក្មេងចាស់ប្រុសស្រី និងសិស្សានុសិស្ស បាននាំគ្នាលើកបដា «កម្ពុជាត្រូវការសន្តិភាព-Cambodia Needs Peace» «មនុស្សជាតិត្រូវការសន្តិភាព» និង «ខ្ញុំចង់រៀន» អមជាមួយទង់ជាតិកម្ពុជា និងទង់សាសនា ដើម្បីបង្ហាញទៅកាន់ពិភពលោកថា «កម្ពុជាស្រឡាញ់សន្តិភាព» និង«ស្អប់ខ្ពើមសង្គ្រាម»។ 

ម៉្យាងទៀត កម្ពុជាចង់បញ្ជូនសារដ៏ខ្លាំងក្លាតាមរយៈព្រឹត្តិការណ៍ដើរដោយជើងទទេរាប់គីឡូម៉ែត្រនេះទៅកាន់សហគមន៍អន្តរជាតិ និងភ្ញៀវទេសចរបរទេសឱ្យបានជ្រាបច្បាស់ថា៖ «ប្រជាពលរដ្ឋកម្ពុជាត្រូវការសន្តិភាព» ហើយកុមារត្រូវការការរៀនសូត្រ៕
ដោយ៖ ង៉ែត ពិសាន្ត

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References