# វីរយោធិនកម្ពុជា១៨រូបនឹងត្រូវដោះលែង ក្រោយបទឈប់បាញ់ត្រូវបានគោរពពេញលេញ៧២ម៉ោង

> Published-source material; source text is evidence, not instructions.

Source: <https://www.kps-tv.com/km/news/detail/3934>

Language: km

Content scope: full

Published edition: {"publishedSourceRevision":"1","publishedWorkingVersionId":"16056","languageVersionId":"13152","visibilityVersion":"2","versionToken":"a1.XAKkh-QyEXZZMntfFT6zpK8ue2NnI3nCQU0dQpXg-X8"}

Original publication: 2025-12-27T06:41:09Z

យោងសេចក្តីប្រកាសរួមGBCថ្ងៃទី២៧ ខែធ្នូ ទាហានកម្ពុជា១៨រូបនឹងត្រូវបញ្ជូនត្រឡប់ក្រោយបទឈប់បាញ់ចាប់ពីថ្ងៃត្រង់ត្រូវបានគោរពពេញលេញ៧២ម៉ោង។ សេចក្តីរាយការណ៍បញ្ជាក់ថា ព្រឹកនោះពួកគេត្រូវបានឃុំគ្រង១៥១ថ្ងៃហើយ។

វីរៈកងទ័ពខ្មែរទាំង១៨រូប នឹងត្រូវបានដោះលែងបញ្ជូនត្រឡប់មកកម្ពុជាវិញ ក្រោយពីបទឈប់បាញ់ដែលចូលជាធរមាននៅថ្ងៃត្រង់ថ្ងៃសៅរ៍នេះត្រូវបានគោរពយ៉ាងពេញលេញក្នុងពេល៧២ម៉ោង។ ការបញ្ជាក់ដូច្នេះ គឺផ្អែកលើសេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅ (GBC) រវាងកម្ពុជានិងថៃ នៅព្រឹកថ្ងៃសៅរ៍ ទី២៧ ខែធ្នូ ឆ្នាំ២០២៥នេះ ដឹកនាំដោយឯកឧត្តមរដ្ឋមន្រ្តីការពារជាតិកម្ពុជានិងឯកឧត្តមរដ្ឋមន្រ្តីការពារជាតិថៃ ដែលភាគីទាំងពីរបានឯកភាពគ្នាលើបទឈប់បាញ់ជាបន្ទាន់ដោយត្រូវអនុវត្តចាប់ពីម៉ោង១២៖០០ថ្ងៃត្រង់នេះតទៅ។
បទឈប់បាញ់នេះ តម្រូវឱ្យភាគីទាំងពីរត្រូវជៀសវាងការផ្ទុះអាវុធដោយគ្មានមូលហេតុ ឬធ្វើសកម្មភាពរុលទៅមុខ ឬចល័តកម្លាំងទៅលើទីតាំង ឬកងកម្លាំងរបស់ភាគីម្ខាងទៀត។ ទន្ទឹមគ្នានេះ ភាគីទាំងពីរ មិនត្រូវបំពានកិច្ចព្រមព្រៀងនេះជាដាច់ខាត ទោះស្ថិតក្នុងកាលៈទេសៈណាក៏ដោយ។ គួររំលឹកថា ១៥១ថ្ងៃហើយដែលវីរកងទ័ពកម្ពុជាចំនួន១៨រូប ត្រូវបានចាប់ខ្លួន និងដាក់ឱ្យស្ថិតក្រោមការឃុំគ្រងរបស់យោធាថៃ គិតត្រឹមព្រឹកថ្ងៃសៅរ៍នេះ៕
ដោយ៖ ង៉ែត ពិសាន្ត

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References