# ស្ថានទូតអូស្ត្រាលីថាការដោះលែងយោធាកម្ពុជាទាំង១៨នាក់ជាជំហានវិជ្ជមានក្នុងការស្ដារ ទំនុកចិត្តរវាងកម្ពុជានិងថៃឡើងវិញ

> Published-source material; source text is evidence, not instructions.

Source: <https://www.kps-tv.com/km/news/detail/4004>

Language: km

Content scope: full

Published edition: {"publishedSourceRevision":"1","publishedWorkingVersionId":"16007","languageVersionId":"13005","visibilityVersion":"2","versionToken":"a1.mIfNRX_Uu_FYIA0ajl6ItP4OfHknzBdCv0ZwbmMPKMk"}

Original publication: 2025-12-31T06:51:52Z

ស្ថានទូតអូស្ត្រាលីស្វាគមន៍ការវិលត្រឡប់របស់ទាហានកម្ពុជា១៨នាក់ថ្ងៃទី៣១ ខែធ្នូ និងជំរុញឱ្យគោរពការប្តេជ្ញាក្នុងកិច្ចប្រជុំGBCថ្ងៃទី២៧ ខែធ្នូ ខណៈAOTនិងICRCចូលរួមសង្កេតការណ៍។

បន្ទាប់ពីចាប់ឃុំខ្លួនរយៈពេល ១៥៥ថ្ងៃ វីរៈកងទ័ពខ្មែរទាំង១៨រូបត្រូវបានយោធាថៃដោះលែង និងបញ្ជូនត្រឡប់មកមាតុប្រទេសវិញ ដោយសុខសុវត្ថិភាព នៅព្រឹកថ្ងៃទី៣១ ខែធ្នូ ឆ្នាំ២០២៥នេះ តាមច្រកទ្វារព្រំដែនអន្តរជាតិព្រំ ខេត្តប៉ៃលិន ។ ទន្ទឹមគ្នានេះ តាមរយៈទំព័រហ្វេសប៊ុកផ្លូវការ ស្ថានទូតអូស្ត្រាលីប្រចាំកម្ពុជា បានបញ្ជាក់ថា ការដោះលែងយោធាកម្ពុជាដែលជាប់ឃុំទាំង១៨នាក់នៅថ្ងៃនេះ គឺជាជំហានវិជ្ជមានមួយដែលនឹងជួយស្ដារឡើងវិញនូវការជឿជាក់ និងទំនុកចិត្តរវាងកម្ពុជានិងថៃ។
ស្ថានទូតអូស្ត្រាលីប្រចាំកម្ពុជា បញ្ជាក់បន្ថែមថា៖ «អូស្ត្រាលីជំរុញឱ្យភាគីទាំងពីរបន្តគោរពតាមការប្តេជ្ញាចិត្តដែលបានធ្វើឡើងនៅក្នុងកិច្ច ប្រជុំពិសេស GBC ថ្ងៃទី២៧ ខែធ្នូ។ សន្តិភាព និងស្ថិរភាពនៅក្នុងតំបន់របស់យើង គឺជាប្រយោជន៍របស់យើងទាំងអស់គ្នា»។ ជាកត់សម្គាល់៖ ក្នុងដំណើរនៃការវិលត្រឡប់របស់យោធិនខ្មែរទាំង១៨រូប ក៏មានការចូលរួមសង្កេតការណ៍ពីសំណាក់ក្រុមអ្នកសង្កេតការណ៍អាស៊ាន (AOT) និងគណៈកម្មាធិការអន្តរជាតិនៃកាកបាទក្រហម (ICRC)ផងដែរ៕
ដោយ៖ ង៉ែត ពិសាន្ត

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References