# កម្ពុជាប្រកាសមិនទទួលស្គាល់នូវការកែប្រែខ្សែព្រំដែនណាមួយដែលកើតចេញពីការប្រើប្រាស់កម្លាំងនោះឡើយ

> Published-source material; source text is evidence, not instructions.

Source: <https://www.kps-tv.com/km/news/detail/4052>

Language: km

Content scope: full

Published edition: {"publishedSourceRevision":"1","publishedWorkingVersionId":"15967","languageVersionId":"12887","visibilityVersion":"2","versionToken":"a1.k3o22pOfV2_L137y9aj3y-P3iXMYRIyn8Lq8UFZTYKE"}

Original publication: 2026-01-02T07:23:13Z

អ្នកនាំពាក្យ ប៉ែន បូណា បញ្ជាក់ថា កម្ពុជាមិនទទួលស្គាល់ការកែប្រែព្រំដែនដោយកម្លាំង និងតម្កល់ជំហរលើច្បាប់អន្តរជាតិ និងឯកសារព្រំដែនដែលបានឯកភាព។

កម្ពុជាមិនទទួលស្គាល់នូវការកែប្រែខ្សែព្រំដែនកម្ពុជា-ថៃ ណាមួយដែលកើតចេញពីការប្រើប្រាស់កម្លាំងនោះឡើយ។ ការលើកឡើងបែបនេះ បន្ទាប់មានការចែកចាយរូបភាពលើបណ្តាញសង្គមថា កងកម្លាំងប្រដាប់អាវុធថៃ បានធ្វើការរាយលួសបន្លា ដាក់ទូកុងតឺន័រ យកដីកម្ពុជានៅតំបន់មួយចំនួន នៅតាមព្រំដែនដែលកំពុងមានជម្លោះ។ នេះបើយោងតាមអ្នកនាំពាក្យរាជរដ្ឋាភិបាល ឯកឧត្តម ប៉ែន បូណា។ 
ឯកឧត្តមអ្នកនាំពាក្យបានបញ្ជាក់ថា «ខ្ញុំសូមបញ្ជាក់ពីជំហររបស់កម្ពុជា គឺកម្ពុជាប្រកាន់ជំហរយ៉ាងម៉ឺងម៉ាត់ក្នុងការការពារខ្សែព្រំដែនអន្តរជាតិកម្ពុជា-ថៃ ដែលបន្សល់ទុកដោយគណៈកម្មការព្រំដែនឥណ្ឌូចិន-សៀម ដោយគោរពគោលការណ៍ច្បាប់អន្តរជាតិ គោលការណ៍ខ្សែព្រំដែនមិនកែប្រែ (Uti Possidetis Juris) គោរពអនុសញ្ញា សន្ធិសញ្ញាបារាំង-សៀម ផែនទី និងកំណត់ហេតុបោះបង្គោលព្រំដែនរបស់គណៈកម្មការបោះបង្គោលព្រំដែនឥណ្ឌូចិន-សៀម ព្រមទាំងកិច្ចព្រមព្រៀង និងឯកសារពាក់ព័ន្ធនានាដែលភាគីទាំងពីរបានឯកភាពគ្នានាពេលកន្លងមក»។
ឯកឧត្តម ប៉ែន បូណា បានសង្កត់ធ្ងន់ថា «កម្ពុជាមិនទទួលស្គាល់នូវការកែប្រែខ្សែព្រំដែនណាមួយដែលកើតចេញពីការប្រើប្រាស់កម្លាំងនោះឡើយ ។ ហើយសកម្មភាពណាដែលប្រព្រឹត្តខុសពីការឯកភាពគ្នានៅក្នុងសេចក្តីប្រកាសរួមកាលពីថ្ងៃទី២៧ ខែធ្នូ និងកិច្ចព្រមព្រៀងដែលមានកន្លងមក គឺជាសកម្មភាពខុសច្បាប់ និងរំលោភបំពានលើកិច្ចព្រមព្រៀងស្តីពីបទឈប់បាញ់»៕
ដោយ៖ ចិន្តា ទីទិ

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References