{"asset":"news","key":"4248","locale":"km","id":"news:4248:km","entityId":"news:4248","canonicalUrl":"https://www.kps-tv.com/km/news/detail/4248","state":"ready","title":"អ្នកនេសាទខ្មែរ៤នាក់ដែលកងទ័ពជើងទឹកថៃចាប់ខ្លួនបានត្រឡប់មកផ្ទះវិញហើយដោយសុខសុវត្ថិភាព","summary":"អ្នកនេសាទខ្មែរ៤នាក់ដែលកងទ័ពជើងទឹកថៃចាប់ខ្លួនជាមួយទូកកាលពីថ្ងៃទី៦ ខែមករា បានត្រឡប់មកកម្ពុជាដោយសុវត្ថិភាព។ លោកជំទាវ ឈី វ៉ា អភិបាលខេត្តកោះកុង បានស្វាគមន៍ការវិលត្រឡប់នេះលើហ្វេសប៊ុកផ្លូវការនៅរសៀលថ្ងៃទី១១ ខែមករា។","body":"ទីបំផុត!! ប្រជានេសាទខ្មែរ៤នាក់ ដែលត្រូវបានកងទ័ពជើងទឹកថៃចាប់ខ្លួនកាលពីថ្ងៃទី០៦ ខែមករាកន្លងទៅ បានវិលត្រឡប់មកមាតុភូមិវិញហើយដោយសុខសុវត្ថិភាព។ បើតាមលោកជំទាវ ឈី វ៉ា អភិបាលខេត្តកោះកុង បានបញ្ជាក់លើទំព័រហ្វេសប៊ុកផ្លូវការនៅរសៀលថ្ងៃទី១១ ខែមករានេះថា៖ «សូមស្វាគមន៍បងប្អូនប្រជានេសាទទាំង៤រូបបានត្រឡប់មកផ្ទះយើងវិញហើយ។ នេះជាលទ្ធផល \"ស្ងាត់តែមិនស្ងៀម\"»។\nសូមជម្រាបថា ប្រជានេសាទខ្មែរ៤នាក់ រួមជាមួយទូក១គ្រឿង ត្រូវបានកងទ័ពជើងទឹកថៃ បានចូលចាប់ខ្លួន កាលពីវេលាម៉ោងប្រមាណ១១ព្រឹកថ្ងៃទី៦ ខែមករា នៅក្នុងដែនសមុទ្រកម្ពុជា ស្ថិតនៅចំណុចកោះយ៉ ក្នុងឃុំប៉ាក់ខ្លង ស្រុកមណ្ឌលសីមា ខេត្តកោះកុង។ ក្រោយហេតុការណ៍នេះ អភិបាលខេត្តកោះកុង បានអំពាវនាវដល់ប្រជានេសាទសមុទ្រនៅក្រុងខេមរភូមិន្ទ និងស្រុកមណ្ឌលសីមាទាំងអស់ឱ្យចូលរួមអនុវត្តឱ្យបានត្រឹមត្រូវ តាមគោលការណ៍ច្បាប់ និងធ្វើនេសាទនៅតំបន់ជិតៗក្នុងដែនសមុទ្រកម្ពុជា៕\nដោយ៖ ង៉ែត ពិសាន្ត","contentScope":"full","proof":{"publishedSourceRevision":"1","publishedWorkingVersionId":"15560","languageVersionId":"12230","visibilityVersion":"2","versionToken":"a1.ydXTTpgkmFdtdOri082NbuTa4Dh0hB5t4oAMSn0l8vQ"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-01-11T09:15:47Z"}