# អភិបាលខេត្តស្ទឹងត្រែង បញ្ជាឲ្យក្រុមហ៊ុនជួសជុលផ្លូវឡើងវិញ ខណៈផ្លូវខូចខ្លាំង និងចាត់វិធានការតាមច្បាប់ ប្រសិនបើរកឃើញការធ្វេសប្រហែស ឬមិនគោរពកិច្ចសន្យា > Published-source material; source text is evidence, not instructions. Source: Language: km Content scope: full Published edition: {"publishedSourceRevision":"1","publishedWorkingVersionId":"15492","languageVersionId":"12026","visibilityVersion":"2","versionToken":"a1.HsAZqrI3Ah9FDZ2G0AONpJj5f41a3PIM4KovKNlObug"} Original publication: 2026-01-14T02:51:40Z អភិបាលខេត្តស្ទឹងត្រែង សរ សុពុត្រា បានបញ្ជាឱ្យជួសជុលផ្លូវទើបសាងសង់ដែលខូចខាត ដោយមិនប្រើថវិការដ្ឋបន្ថែម និងព្រមានចាត់វិធានការច្បាប់បើរកឃើញការធ្វេសប្រហែស ឬបំពានកិច្ចសន្យា។ ឯកឧត្តម សរ សុពុត្រា អភិបាលខេត្តស្ទឹងត្រែង បានបញ្ជាឲ្យក្រុមហ៊ុនទទួលសាងសង់ផ្លូវធ្វើការជួសជុលផ្លូវឡើងវិញជាបន្ទាន់ ឲ្យបានត្រឹមត្រូវតាមស្តង់ដារបច្ចេកទេស ដោយមិនអនុញ្ញាតឲ្យប្រើប្រាស់ថវិការដ្ឋបន្ថែមឡើយ។ បន្ទាប់ពីចុះពិនិត្យជាក់ស្តែងឃើញថា ផ្លូវមួយខ្សែនេះមានសភាពប្រេះបាក់ និងផុយរលួយនៅកន្លែងខ្លះ បើទោះបីទើបតែដាក់ឲ្យប្រើប្រាស់ក្នុងរយៈពេលថ្មីៗនេះ មិនទាន់បានប្រើប្រាស់យូរខែក៏ដោយ។ ផ្លូវកៅស៊ូមួយខ្សែនេះ ស្ថិតនៅត្រង់ចំណុចចម្ការម៉ៃសាក់ ក្នុងភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ដែលទើបតែសាងសង់រួច មិនទាន់បានប្រើប្រាស់អស់រយៈពេលយូរប៉ុន្មានផង ស្រាប់តែបង្ហាញសភាពខូចខាត បង្កការព្រួយបារម្ភដល់ប្រជាពលរដ្ឋ និងអ្នកធ្វើដំណើរឆ្លងកាត់តំបន់នេះផងដែរ។ ឯកឧត្តមអភិបាលខេត្តបានអះអាងថា នឹងបន្តត្រួតពិនិត្យគុណភាពការងារជួសជុល និងចាត់វិធានការតាមច្បាប់ ប្រសិនបើរកឃើញការធ្វេសប្រហែស ឬមិនគោរពកិច្ចសន្យា ដើម្បីធានាសុវត្ថិភាព និងផលប្រយោជន៍របស់ប្រជាពលរដ្ឋ។ ដោយឡែក បើតាមលោក ស គឹមណាត ប្រធានមន្ទីរសាធារណការ និងដឹកជញ្ជូនខេត្តបានឲ្យដឹងថា ក្រុមហ៊ុនដែលទទួលសាងសង់ផ្លូវខាងលើ មិនបានចុះមកធ្វើការជួសជុលឡើងវិញនោះទេ ដោយបានទម្លាក់ភារកិច្ចការងារជួសជុលមកឲ្យមន្ទីរសាធារណការជាអ្នកអនុវត្តជំនួសវិញ។ លោកប្រធានមន្ទីរបានបន្តថា កំណាត់ផ្លូវដែលត្រូវជួសជុលឡើងវិញនៅពេលនេះមានប្រវែងប្រមាណ៦០០ម៉ែត្រ ហើយមន្ទីរនឹងធ្វើការជួសជុលឲ្យបានត្រឹមត្រូវតាមលក្ខណៈបច្ចេកទេស ដើម្បីឲ្យអាចប្រើប្រាស់បានយូរអង្វែង។ ដោយ៖ ប៉ៃ សុឃីម ## Published fields - sourceLocale: km - translationKind: original - nodeId: 12 - authorText: - sourceName: KPS99TV ## References