{"asset":"news","key":"4300","locale":"km","id":"news:4300:km","entityId":"news:4300","canonicalUrl":"https://www.kps-tv.com/km/news/detail/4300","state":"ready","title":"អ្នកនាំពាក្យប្រាប់ឱ្យកម្មករ-និយោជិតទាក់ទងលេខ១២៨៦ចៀសវាងតវ៉ាបិទផ្លូវសាធារណៈ","summary":"អ្នកនាំពាក្យក្រសួងការងារ លោក ស៊ុន មេសា អំពាវនាវឱ្យកម្មករទាក់ទង Hotline ១២៨៦ ដែលបម្រើ២៤ម៉ោង៧ថ្ងៃ ដើម្បីដោះស្រាយបញ្ហាការងារ និងចៀសវាងការតវ៉ាខុសនីតិវិធីឬបិទផ្លូវ មុនពេលទាក់ទងក្រសួង។","body":"ដើម្បីដោះស្រាយបញ្ហាប្រឈមជូនកម្មករ-និយោជិតទាំងអស់ឱ្យបានលឿនរហ័ស និងមានប្រសិទ្ធភាព ឯកឧត្តម ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានអំពាវនាវដល់កម្មករ-និយោជិតទាក់ទងមកលេខ ១២៨៦ ដែលជាលេខ Hotline របស់ក្រសួង ក្នុងករណីមានបញ្ហាកើតឡើង។\nកាលពីថ្ងៃទី១០ ខែមករាកន្លងទៅ ឯកឧត្តម ស៊ុន មេសា បានបញ្ជាក់ដូច្នេះថា៖ «នៅពេលបងប្អូនកម្មករ-និយោជិត មានបញ្ហាទាក់ទងនឹងលក្ខខណ្ឌការងារ ច្បាប់ការងារ ការរំលោភសិទ្ធិ ឬការជេរប្រមាថណាមួយនោះ សូមបងប្អូនទាក់ទងមកក្រសួងការងារ តាមរយៈលេខ Hotline ១២៨៦ ដែលធ្វើការ ២៤ម៉ោងក្នុងមួយថ្ងៃ និង ៧ថ្ងៃក្នុងមួយសប្ដាហ៍»។\nនៅពេលទទួលបានព័ត៌មាន ឬសំណើពីបងប្អូនកម្មករ-និយោជិតភ្លាម ក្រសួងការងារ នឹងចាត់មន្ត្រីជំនាញចុះទៅអន្តរាគមន៍សម្របសម្រួលដោះស្រាយជូនដោយលឿនរហ័ស មានប្រសិទ្ធភាព យុត្តិធម៌ និងស្របតាមច្បាប់ជាធរមាន។ នេះបើតាមការបញ្ជាក់បន្ថែមរបស់ឯកឧត្តមអ្នកនាំពាក្យក្រសួងការងារ និងបានអំពាវនាវដល់កម្មករ-និយោជិតទាំងអស់ ចៀសវាងនូវការតវ៉ាខុសនីតិវិធី ឬបិទផ្លូវសាធារណៈ ខណៈដែលមិនទាន់បានទាក់ទងមកក្រសួង ដើម្បីឱ្យជួយដោះស្រាយជូននៅឡើយ។\nបើតាមអ្នកនាំពាក្យរូបនេះ សូមបងប្អូនជឿទុកចិត្តមកលើយន្ដការសម្របសម្រួលដោះស្រាយរបស់ក្រសួងការងារ ហើយប្រគល់បញ្ហារបស់បងប្អូនឱ្យមន្ត្រីជំនាញដោះស្រាយជូន ដោយលោកថា សំណូមពរ និងបញ្ហារបស់កម្មករ-និយោជិត គឺក្រសួងការងារតែងតែយកចិត្តទុកដាក់ដោះស្រាយ ឱ្យបានលឿនរហ័ស និងមានប្រសិទ្ធភាព៕\nដោយ៖ ង៉ែត ពិសាន្ត","contentScope":"full","proof":{"publishedSourceRevision":"1","publishedWorkingVersionId":"15485","languageVersionId":"12005","visibilityVersion":"2","versionToken":"a1.So6GWGWeJqx9vco-9hwCxnev3PBJKId-N1r7M1K85xc"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-01-14T04:29:42Z"}