{"asset":"news","key":"4315","locale":"km","id":"news:4315:km","entityId":"news:4315","canonicalUrl":"https://www.kps-tv.com/km/news/detail/4315","state":"ready","title":"ឆ្នាំ២០២៥! ទំហំពាណិជ្ជកម្មកម្ពុជា-សិង្ហបុរី សម្រេចបានជាង ២.៣ពាន់លានដុល្លារ កើនឡើង៨៩% ខណៈការនាំចេញរបស់កម្ពុជាទៅសិង្ហបុរីកើនដល់ជាង២០០%","summary":"របាយការណ៍ក្រសួងពាណិជ្ជកម្មឱ្យដឹងថា ពាណិជ្ជកម្មកម្ពុជា-សិង្ហបុរីឆ្នាំ២០២៥មាន២៣៤១លានដុល្លារ កើន៨៨,៩៧ភាគរយ ក្នុងនោះកម្ពុជានាំចេញ៩២០លានដុល្លារ និងនាំចូល១៤២១លានដុល្លារ។","body":"ក្នុងឆ្នាំ២០២៥ កម្ពុជា-សិង្ហបុរី បានសម្រេចទំហំពាណិជ្ជកម្ម ២ ៣៤១លានដុល្លារ កើនឡើង ៨៨.៩៧% បើធៀបនឹងរយៈពេលដូចគ្នា កាលពីឆ្នាំ២០២៤ ដែលមានទំហំ ១ ២៣៩លានដុល្លារ។ នេះបើយោងតាមរបាយការណ៍របស់ក្រសួងពាណិជ្ជកម្ម។\nតាមរយៈរបាយការណ៍ ការនាំចេញរបស់កម្ពុជាទៅកាន់សិង្ហបុរី បានកើនឡើងយ៉ាងខ្លាំង ដោយសម្រេចបានទឹកប្រាក់ ៩២០ លានដុល្លារ កើនឡើង ២១២.២៣%។ រីឯការនាំចូលពីសិង្ហបុរីក៏មានកំណើនខ្ពស់ផងដែរ ដោយសម្រេចបាន ១ ៤២១ លានដុល្លារ កើនឡើង ៥០.៥១% បើធៀបនឹងរយៈពេលដូចគ្នាកាលពីឆ្នាំមុន។\nយោងតាមអ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានបញ្ជាក់ថា ការធ្វើពាណិជ្ជកម្មរវាងកម្ពុជា និងសិង្ហបុរី កើនឡើងនេះ បន្ទាប់ពីកម្ពុជាមានជម្លោះព្រំដែនជាមួយថៃ និងឈានទៅបិទការនាំចូលប្រេងឥន្ធនៈ និងហ្គាសពីថៃ ហើយបង្វែរទៅនាំចូលប្រេងពីសិង្ហបុរី មកវិញ។ ជាមួយគ្នានេះ បរិក្ខាមួយចំនួនដែលកម្ពុជាឈប់នាំចូលពីថៃ ក៏ទិញពីសិង្ហបុរីមកវិញផងដែរ។\nទន្ទឹមគ្នានេះ កម្ពុជាបានបង្កើនការនាំចេញផលិតផលផ្សេងៗជាច្រើន ទៅកាន់សិង្ហបុរីវិញដែរ ដូចជាផលិតផលកសិកម្ម និងផលិតផលកាត់ដេរសម្លៀកបំពាក់ជាដើម៕ \nដោយ៖ ចិន្តា ទីទិ","contentScope":"full","proof":{"publishedSourceRevision":"1","publishedWorkingVersionId":"15473","languageVersionId":"11969","visibilityVersion":"2","versionToken":"a1.0QobUInFxv19ZgZoTrHfwWgbVR2U9BnvxwcFrumWOTA"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-01-14T09:39:16Z"}