# កសិករពោធិ៍សាត់ទទួលបានទីផ្សារច្បាស់លាស់ ក្រោយសហគមន៍ម្ទេសដំណាក់ត្រយឹង ចុះកិច្ចសន្យាជាង ៣ លានដុល្លារ

> Published-source material; source text is evidence, not instructions.

Source: <https://www.kps-tv.com/km/news/detail/4323>

Language: km

Content scope: full

Published edition: {"publishedSourceRevision":"1","publishedWorkingVersionId":"15466","languageVersionId":"11948","visibilityVersion":"2","versionToken":"a1.YulxwDCMLEbpS0XWqQGn1P9gfm8ZvmHMyYVx2USMfnw"}

Original publication: 2026-01-15T02:43:45Z

សហគមន៍ម្ទេសដំណាក់ត្រយឹងនិងកសិដ្ឋានគីរីទេសចុះកិច្ចសន្យាជាង៣លានដុល្លារ ផលិតនិងផ្គត់ផ្គង់ម្ទេស បន្លែស្លឹក និងមាន់សាច់ ដោយភ្ជាប់ទីផ្សារមុនផលិតកម្ម។

តាមការឱ្យដឹងពីលោក ឃឹម ហ្វីណង់ អនុរដ្ឋលេខាធិការក្រសួងកសិកម្ម បានលើកឡើងថា សូមអបអរសាទរចំពោះការចុះកិច្ចសន្យាផលិតកម្មកសិកម្មទំហំជាង ៣ លានដុល្លារ ដែលបានធ្វើឡើងរវាង សហគមន៍កសិកម្មទំនើបម្ទេសដំណាក់ត្រយឹង នៅខេត្តពោធិ៍សាត់ និងកសិដ្ឋានគីរីទេស សម្រាប់ការផលិត និងផ្គត់ផ្គង់ម្ទេស បន្លែស្លឹក និងមាន់សាច់។
លោកបានបន្ថែមថា ការតភ្ជាប់ទីផ្សារទុកជាមុន គឺជាចំណុចពិសេសមួយនៃសហគមន៍កសិកម្មទំនើប ដែលផ្តល់នូវភាពច្បាស់លាស់ក្នុងការធ្វើផលិតកម្មរបស់សមាជិក ក៏ដូចជាជួយកាត់បន្ថយហានិភ័យទីផ្សារបានយ៉ាងមានប្រសិទ្ធភាព។
សូមបញ្ជាក់ថា សហគមន៍កសិកម្មទំនើបម្ទេសដំណាក់ត្រយឹង មានសមាជិកចំនួន ១៦៥ គ្រួសារ កំពុងធ្វើផលិតកម្មម្ទេសលើផ្ទៃដី ១២០ ហិកតា បន្លែស្លឹកក្នុងផ្ទះសំណាញ់ចំនួន ១០០ ខ្នង និងមាន់ស្រែចំនួន ១៤០ ទ្រុងផងដែរ៕ ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References