{"asset":"news","key":"4397","locale":"km","id":"news:4397:km","entityId":"news:4397","canonicalUrl":"https://www.kps-tv.com/km/news/detail/4397","state":"ready","title":"រាជរដ្ឋាភិបាលចាប់ផ្តើមរៀបចំអភិវឌ្ឍន៍ និងសាងសង់ពង្រីកចំណតផែកុងតឺន័រទឹកជ្រៅ នៃកំពង់ផែស្វយ័តក្រុងព្រះសីហនុ ជា៣ជំហាន ពីឆ្នាំ២០២៣ ដល់ឆ្នាំ២០៣០","summary":"ក្រសួងរៀបចំដែនដីកំពុងសម្របសម្រួលផលប៉ះពាល់ដីគម្រោងផែទឹកជ្រៅព្រះសីហនុ ដែលរដ្ឋាភិបាលគ្រោងពង្រីក៣ជំហាន ឆ្នាំ២០២៣–២០៣០ តាមកម្ចីសម្បទានជប៉ុន។","body":"ខេត្តព្រះសីហនុ៖ ដើម្បីឲ្យផែនការអភិវឌ្ឍន៍គម្រោងសាងសង់ចំណតផែកុងតឺន័រទឹកជ្រៅថ្មី អាចដំណើរការបានសម្រេចតាមផែនការដែលបានគ្រោងទុក ក្រសួងរៀបចំដែនដី នគរូបនីយកម្ម និងសំណង់ បានរៀបចំក្រុមការងារសហការជាមួយរដ្ឋបាលខេត្តព្រះសីហនុ ចុះពិនិត្យ និងដោះស្រាយផលប៉ះពាល់នានាជាមួយប្រជាពលរដ្ឋដោយផ្ទាល់ ដើម្បីយកទីតាំងដីមកអភិវឌ្ឍតាមផែនការរបស់រាជរដ្ឋាភិបាល។\nនេះបើយោងតាមសេចក្តីជូនដំណឹងរបស់ក្រសួងរៀបចំដែនដី នគរូបនីយកម្ម និងសំណង់ ចុះថ្ងៃទី១៩ ខែមករា ឆ្នាំ២០២៦ ដែលបានជូនដំណឹងដល់ប្រជាពលរដ្ឋដែលកំពុងកាន់កាប់សំណង់មិនរៀបរយនៅក្នុងបរិវេណដីគម្រោងអភិវឌ្ឍន៍កំពង់ផែស្វយ័តក្រុងព្រះសីហនុ ស្ថិតនៅភូមិ៣ សង្កាត់លេខ៣ ក្រុងព្រះសីហនុ ខេត្តព្រះសីហនុ។ រាជរដ្ឋាភិបាលកម្ពុជា បានសម្រេចរៀបចំអភិវឌ្ឍន៍ និងសាងសង់ចំណតផែកុងតឺន័រទឹកជ្រៅ នៃកំពង់ផែស្វយ័តក្រុងព្រះសីហនុ ជា៣ជំហាន ចាប់ពីឆ្នាំ២០២៣ ដល់ឆ្នាំ២០៣០ ដោយប្រើប្រាស់ថវិកាកម្ចីសម្បទានពីរដ្ឋាភិបាលជប៉ុន។\nក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា គម្រោងអភិវឌ្ឍន៍នេះ មានគោលបំណងបង្កើនសមត្ថភាពចំណតផែកុងតឺន័រ ដែលអនុញ្ញាតឲ្យនាវាដឹកកុងតឺន័រមានចំណុះផ្ទុករហូតដល់ ១៦០,០០០ DWT (១៥,០០០ TEUs) អាចចេញចូលដឹកជញ្ជូនពីកំពង់ផែស្វយ័តក្រុងព្រះសីហនុ ទៅកាន់ទីផ្សារពិភពលោកដោយផ្ទាល់ និងគ្មានឧបសគ្គអំពីជម្រៅទឹកតទៅទៀតឡើយ។ កន្លងមក ក្រសួងរៀបចំដែនដី នគរូបនីយកម្ម និងសំណង់ បានចាត់តាំងក្រុមការងារសហការជាមួយរដ្ឋបាលខេត្តព្រះសីហនុ ចុះពិនិត្យ វាស់វែង និងកំណត់អត្តសញ្ញាណប្រជាពលរដ្ឋ ដែលបានកាន់កាប់ដី និងលំនៅឋាន ស្ថិតក្នុងតំបន់គម្រោងអភិវឌ្ឍន៍ចំណតផែកុងតឺន័រ រួចរាល់ហើយ។\nក្នុងន័យនេះ ក្រសួងរៀបចំដែនដី នគរូបនីយកម្ម និងសំណង់ បានអំពាវនាវដល់ប្រជាពលរដ្ឋពាក់ព័ន្ធទាំងអស់ ចូលរួមសហការប្រកបដោយស្មារតីទទួលខុសត្រូវខ្ពស់ ដើម្បីរួមចំណែកកសាង និងអភិវឌ្ឍប្រទេសជាតិ ឲ្យកាន់តែមានការរីកចម្រើន៕ ដោយ៖ ប៉ៃ សុឃីម","contentScope":"full","proof":{"publishedSourceRevision":"1","publishedWorkingVersionId":"15412","languageVersionId":"11786","visibilityVersion":"2","versionToken":"a1.XtqXom1lPtacmqmpKmwPapD3fcV2meAQPTCX86W5PSU"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-01-19T09:59:09Z"}