# ជនបរទេស៧៨នាក់បានបញ្ជូនទៅអគ្គនាយកដ្ឋានអន្តោប្រវេសន៍អនុវត្តច្បាប់ពាក់ព័ន្ធការឆ្លងដែនខុសច្បាប់

> Published-source material; source text is evidence, not instructions.

Source: <https://www.kps-tv.com/km/news/detail/4571>

Language: km

Content scope: full

Published edition: {"publishedSourceRevision":"1","publishedWorkingVersionId":"15157","languageVersionId":"11296","visibilityVersion":"2","versionToken":"a1.ukUML8sNb0YlR3yXcWJg0eXrkb4uSaavgM2kykO-MxY"}

Original publication: 2026-01-29T02:31:35Z

នគរបាលពោធិ៍សាត់បញ្ជូនជនបរទេស៧៨នាក់ទៅអន្តោប្រវេសន៍ថ្ងៃទី២៧ មករា ដើម្បីបន្តនីតិវិធីបញ្ជូនចេញ ក្រោយចូលកម្ពុជាខុសច្បាប់។

កម្លាំងនគរបាលខេត្តពោធិ៍សាត់ កាលពីថ្ងៃទី២៧ ខែមករា ឆ្នាំ២០២៦ បានបញ្ជូនខ្លួនជនបរទេសចំនួន៧៨នាក់ទៅកាន់អគ្គនាយកដ្ឋានអន្តោប្រវេសន៍ ដើម្បីបន្តនិតិវិធីបញ្ជូនចេញទៅប្រទេសកំណើតវិញ ក្រោយពីលួចឆ្លងដែនដោយខុសច្បាប់ចូលមកកម្ពុជា។ ជនបរទេសទាំង៧៨នាក់ដែលត្រូវឃាត់ខ្លួន និងបញ្ជូនទៅអនុវត្តនិតិវិធីច្បាប់នេះ មានជនជាតិចិនចំនួន ៦២នាក់ ជនជាតិមីយ៉ាន់ម៉ា ៩នាក់ និងថៃ ៧នាក់។
ស្នងការដ្ឋាននគរបាលខេត្តពោធិ៍សាត់ បញ្ជាក់ថា ជនបរទេសទាំងនេះត្រូវបានកម្លាំងចម្រុះនៃស្នងការដ្ឋាននគរបាលខេត្ត ឃាត់ខ្លួនជាបន្តបន្ទាប់ នៅពេលកម្លាំងល្បាតនៅក្នុងភូមិសាស្ត្រ ដើម្បីបង្ការបង្ក្រាប និងត្រួតពិនិត្យរាល់ការធ្វើដំណើរដោយមានការសង្ស័យដឹកជនបរទេសដែលឆ្លងដែនដោយខុសច្បាប់ ការជួញដូរមនុស្សដែលមានគោលដៅដឹកពីកន្លែងមួយទៅកន្លែងមួយ និងជនបរទេសដែលប្រព្រឹត្តបទល្មើស Online Scam ។ ជាលទ្ធផលក្នុងរយៈពេលក្រោយមកនេះ បទល្មើសផ្សេងៗ នៅក្នុងភូមិសាស្ត្រនៃខេត្តពោធិ៍សាត់មានការថយចុះគួរឱ្យគត់សម្គាល់ និងទទួលបានការសាទរពីប្រជាពលរដ្ឋក្នុងមូលដ្ឋាន។
បើតាមស្នងការដ្ឋាននគរបាលខេត្តពោធិ៍សាត់ សូមឱ្យប្រជាពលរដ្ឋដែលរស់នៅក្នុងមូលដ្ឋានខេត្តពោធិ៍សាត់ ឬឆ្លងកាត់ខេត្តពោធិ៍សាត់ ចូលរួមសហការ ជាសមត្ថកិច្ចដើម្បីរាយការណ៍រាល់ពេលដែលប្រទះឃើញបទល្មើសជាក់ស្ដែង ឬសង្ស័យថា ជាជនបរទេសដែលលួចឆ្លងដែនខុសច្បាប់ តាមរយៈវេនប្រចាំបញ្ជាប្រចាំថ្ងៃដែលស្នងការដ្ឋាននគរបាលខេត្តពោធិ៍សាត់បានផ្សព្វផ្សាយជារៀងរាល់ថ្ងៃ៕
ដោយ៖ ង៉ែត ពិសាន្ត

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References