# ប្រុងប្រយ័ត្ន!គម្រោងអភិវឌ្ឍលំនៅឋានចំនួន៣កំពុងធ្វើអាជីវកម្មដោយគ្មានអាជ្ញាប័ណ្ណ

> Published-source material; source text is evidence, not instructions.

Source: <https://www.kps-tv.com/km/news/detail/4613>

Language: km

Content scope: full

Published edition: {"publishedSourceRevision":"1","publishedWorkingVersionId":"15142","languageVersionId":"11251","visibilityVersion":"2","versionToken":"a1.TwNjAC--IzXV6992H3WzvlTm1vMbk1q8FqliOe9MFCc"}

Original publication: 2026-01-30T10:15:35Z

និយ័តករអាជីវកម្មអចលនវត្ថុនិងបញ្ចាំបានព្រមានពីគម្រោងលំនៅឋានបីដែលកំពុងធ្វើអាជីវកម្មគ្មានអាជ្ញាបណ្ណ និងអំពាវនាវឱ្យសាធារណជនកុំចូលរួមពាក់ព័ន្ធ ដើម្បីជៀសការខាតបង់។

និយ័តករអាជីវកម្មអចលនវត្ថុ និងបញ្ចាំ (ន.អ.ប) បានឱ្យដឹងថា គម្រោងអភិវឌ្ឍលំនៅឋានចំនួន៣គម្រោង បាននិងកំពុងធ្វើអាជីវកម្មអភិវឌ្ឍលំនៅឋានដោយគ្មានអាជ្ញាបណ្ណ ដោយអំពាវនាវឱ្យសាធារណជនមានការប្រុងប្រយ័ត្នខ្ពស់ និងកុំចូលរួមធ្វើអាជីវកម្ម ឬពាក់ព័ន្ធជាមួយនឹងគម្រោងទាំងនេះដែលអាចធ្វើឱ្យខាតបង់ផលប្រយោជន៍ណាមួយជាយថាហេតុ។
ក្នុងសេចក្តីជូនដំណឹងដែលទទួលបាននៅថ្ងៃទី៣០ ខែមករា ឆ្នាំ២០២៦នេះ និយ័តករអាជីវកម្មអចលនវត្ថុ និងបញ្ចាំ បានបញ្ជាក់ថា គម្រោងទាំងនោះ រួមមាន៖ សំណង់ផ្ទះល្វែង សុខ ចំរើន នៅភូមិទួលតាឡាត់ សង្កាត់កំបូល ខណ្ឌកំបូល រាជធានីភ្នំពេញ, គម្រោងវីឡាទោល EKT និងផ្ទះល្វែងផ្សារពញាពន់គម្រោងទី១ និងគម្រោងទី២ នៅភូមិស្រែដូនតូច សង្កាត់ពញាពន់ ខណ្ឌព្រែកព្នៅ រាជធានីភ្នំពេញ។
ដូច្នេះ និយ័តករអាជីវកម្មអចលនវត្ថុ និងបញ្ចាំ បានអំពាវនាវដល់សាធារណជនទាំងអស់កុំចូលរួមធ្វើអាជីវកម្ម ឬពាក់ព័ន្ធជាមួយនឹងគម្រោងទាំង៣ខាងលើ ដែលអាចធ្វើឱ្យប៉ះពាល់ ឬខាតបង់ផលប្រយោជន៍ណាមួយជាយថាហេតុ។ លើសពីនេះ សូមសាធារណជនមេត្តាជ្រាបជាព័ត៌មាន និងមានការប្រុងប្រយ័ត្នខ្ពស់បំផុត៕
ដោយ៖ ង៉ែត ពិសាន្ត

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References