# ព្រះសីហនុត្រៀមពិព័រណ៍ទេសចរណ៍ វប្បធម៌ និងពាណិជ្ជកម្មថ្ងៃទី២២–២៦ កុម្ភៈ

> Published-source material; source text is evidence, not instructions.

Source: <https://www.kps-tv.com/km/news/detail/4886>

Language: km

Content scope: full

Published edition: {"publishedSourceRevision":"1","publishedWorkingVersionId":"14986","languageVersionId":"10787","visibilityVersion":"2","versionToken":"a1.yBZ1Ph0G_5mljT1hx2QVVFEjKl_r9HVzzOGaYGzp2kM"}

Original publication: 2026-02-12T11:02:58Z

ពិព័រណ៍នៅទីលានតេជោ ក្រុងព្រះសីហនុ មានប្រធានបទ «ទេសចរណ៍រីកលូតលាស់ក្នុងសន្តិភាព» ខណៈកិច្ចប្រជុំថ្ងៃទី១២ កុម្ភៈពិនិត្យការត្រៀមនិងបែងចែកភារកិច្ច។

ខេត្តព្រះសីហនុ៖ រដ្ឋបាលខេត្តព្រះសីហនុ បានបើកកិច្ចប្រជុំផ្តោតសំខាន់លើការត្រៀមលក្ខណៈបច្ចេកទេស និងការបែងចែកភារកិច្ចតាមផ្នែកនីមួយៗ សម្រាប់ព្រឹត្តិការណ៍ «ពិព័រណ៍ទេសចរណ៍ វប្បធម៌ និងពាណិជ្ជកម្ម» ដែលនឹងប្រព្រឹត្តទៅចាប់ពីថ្ងៃទី២២ ដល់ថ្ងៃទី២៦ ខែកុម្ភៈ ឆ្នាំ២០២៦ នៅទីលានតេជោ ក្រុងព្រះសីហនុ ខេត្តព្រះសីហនុ។
លោក សាមុត សុធារិទ្ធ អភិបាលរងខេត្តព្រះសីហនុ នៅថ្ងៃទី១២ ខែកុម្ភៈ ឆ្នាំ២០២៦ បានអញ្ជើញដឹកនាំកិច្ចប្រជុំពិភាក្សា និងត្រួតពិនិត្យការងាររៀបចំព្រឹត្តិការណ៍នេះ ដើម្បីធានាឱ្យដំណើរការរៀបចំប្រព្រឹត្តទៅដោយរលូន និងរៀបចំសន្តិសុខ សណ្តាប់ធ្នាប់ឱ្យបានល្អ ធានាឱ្យកម្មវិធីប្រព្រឹត្តទៅក្នុងបរិយាកាសសប្បាយរីករាយ និងមានភាពអធិកអធម។
លោកអភិបាលរងខេត្តបានបញ្ជាក់ថា ការរៀបចំព្រឹត្តិការណ៍នេះ មានគោលបំណងលើកកម្ពស់សក្ដានុពលវិស័យទេសចរណ៍ និងវប្បធម៌ដ៏សម្បូរបែបរបស់ខេត្តព្រះសីហនុ ព្រមទាំងបើកឱកាសឱ្យមានការដោះដូរពាណិជ្ជកម្ម និងការបង្ហាញផលិតផលក្នុងស្រុក។
បន្ថែមពីនេះ ព្រឹត្តិការណ៍នេះក៏ជាការឆ្លុះបញ្ចាំងពីស្មារតីសាមគ្គីភាព តាមរយៈសកម្មភាពកីឡា និងការបង្ហាញពីភាពរីកចម្រើននៃវិស័យទេសចរណ៍ ដែលកើតចេញពីម្លប់នៃសន្តិភាពផងដែរ។
ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References