# ព្រះសីហនុអំពាវនាវឱ្យប្រជាពលរដ្ឋ អាជីវករ និងភ្ញៀវទុកដាក់សំរាមត្រឹមត្រូវ

> Published-source material; source text is evidence, not instructions.

Source: <https://www.kps-tv.com/km/news/detail/4895>

Language: km

Content scope: full

Published edition: {"publishedSourceRevision":"1","publishedWorkingVersionId":"14981","languageVersionId":"10772","visibilityVersion":"2","versionToken":"a1.1UfYdBLxLpUdBH_KPVLu2acadtS0qrT_kiXAN7o5TTM"}

Original publication: 2026-02-13T05:55:24Z

ម៉ាង ស៊ីណេត ថ្លែងថ្ងៃទី១២ កុម្ភៈថា ឆ្នេរស្អាតត្រូវការការចូលរួមទាំងអស់គ្នា និងការវេចខ្ចប់សំរាមដាក់ធុង ដើម្បីងាយប្រមូលដោយរថយន្ត។

អភិបាលខេត្តព្រះសីហនុ ឯកឧត្តម ម៉ាង ស៊ីណេត បានផ្ញើសារទៅកាន់ប្រជាពលរដ្ឋ អ្នកលក់ដូរ និងភ្ញៀវទេសចរទាំងអស់មកលេងកម្សាន្តក្នុងខេត្តព្រះសីហនុឱ្យជួយថែរក្សាអនាម័យតាមឆ្នេរសមុទ្រ និងតាមដងផ្លូវដោយទុកដាក់សំរាមឱ្យបានត្រឹមត្រូវ ខណៈនៅតំបន់ឆ្នេរក៏មានធុងសំរាមសម្រាប់ឱ្យភ្ញៀវនិងអ្នកលក់ដូរទុកដាក់សំរាមឱ្យបានល្អដែរ។
សាររបស់ឯកឧត្តម ម៉ាង ស៊ីណេត បាននិយាយនៅក្នុងពិធីសំណេះសំណាលជាមួយបុគ្គលិកសម្អាតអនាម័យ ថែទាំសួនច្បារតាមឆ្នេរសមុទ្រ និងតាមដងផ្លូវ ក្នុងខេត្តព្រះសីហនុ នៅរសៀលថ្ងៃទី១២ ខែកុម្ភៈ ឆ្នាំ២០២៦។
ឯកឧត្តមអភិបាលខេត្ត បានសង្កត់ធ្ងន់ថា ទាល់តែមានការចូលរួមសម្អាតអនាម័យទាំងអស់គ្នាទើបឆ្នេរយើងស្អាត។ ពិសេសអ្នកលក់ដូរតែម្តង បើចង់ឱ្យមានភ្ញៀវទេសចរមកលេងកម្សាន្ត និងជួយទិញច្រើន លុះត្រាតែឆ្នេរយើងស្អាត នៅពេលដែលឆ្នេរស្អាតនោះភ្ញៀវទេសចរក៏មកលេងកម្សាន្តច្រើនដែរ។ ម្ល៉ោះហើយ ត្រូវចូលរួមសម្អាតអនាម័យឱ្យបានស្អាតទាំងអស់គ្នា។ យ៉ាងណា ឯកឧត្តមពន្យល់ថា ប្រជាពលរដ្ឋដែលមកលេងខេត្តព្រះសីហនុហើយអង្គុយហូបអីរួចត្រូវជួយវេចខ្ចប់ទុកដាក់សំរាមក្នុងធុងឱ្យបានត្រឹមត្រូវ ចំណែក អ្នកលក់ដូរក៏ដូចគ្នាដែរ។ ធ្វើដូច្នេះ ដើម្បីឱ្យរថយន្តដឹកសំរាមងាយស្រួលក្នុងប្រមូលឱ្យបានល្អប្រសើរ៕
អត្ថបទ៖ ង៉ែត ពិសាន្ត
រូបភាព៖ ទាវ វិឆាត

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References