# ផ្ទុះតវ៉ាទាមទារប្រាក់ឈ្នួលនៅកាស៊ីណូហ្គោលដេនក្រុងព្រះសីហនុ ក្រសួងការងារបានដោះស្រាយបញ្ចប់រួចរាល់

> Published-source material; source text is evidence, not instructions.

Source: <https://www.kps-tv.com/km/news/detail/4957>

Language: km

Content scope: full

Published edition: {"publishedSourceRevision":"1","publishedWorkingVersionId":"14952","languageVersionId":"10685","visibilityVersion":"2","versionToken":"a1.M5RGiNyRZr_VICckTPV9s-ktpRIfJ9AImAhwn2UMYCY"}

Original publication: 2026-02-17T02:33:09Z

អ្នកនាំពាក្យក្រសួងការងារ ស៊ុន មេសា ថា មន្ទីរខេត្តដោះស្រាយតាមនីតិវិធី និងណែនាំកម្មករឱ្យទាក់ទងលេខ១២៨៦ឬមន្ត្រីជំនាញ។

ករណីបុគ្គលិកបម្រើការនៅកាស៊ីណូ ហ្គោលដេន ស្ថិតនៅសង្កាត់លេខ១ ក្រុងព្រះសីហនុ ខេត្តព្រះសីហនុ ប្រមូលផ្តុំគ្នាទាមទារបើកប្រាក់ឈ្នួល ពេលនេះត្រូវបានក្រសួងការងារ និងបណ្តុះបណ្តាលវិជ្ជាជីវៈ ដោះស្រាយបញ្ចប់រួចរាល់យ៉ាងលឿនរហ័ស។
អ្នកនាំពាក្យក្រសួងការងារ ឯកឧត្តម ស៊ុន មេសា បញ្ជាក់ថា ក្រោយពីបានទទួលដំណឹងនេះភ្លាម មន្រ្តីជំនាញនៃមន្ទីរការងារ និងបណ្ដុះបណ្ដាលវិជ្ជាជីវៈខេត្តព្រះសីហនុ បានដោះស្រាយបញ្ចប់រួចរាល់ហើយទៅតាមនីតិវិធីច្បាប់។ ឯកឧត្តម ថាក្រសួងការងារ និងបណ្ដុះបណ្ដាលវិជ្ជាជីវៈតែងតែយកចិត្តទុកដាក់ដោះស្រាយបញ្ហារបស់បងប្អូនបុគ្គលិក និងកម្មករនិយោជិត ដែលស្ថិតនៅក្រោមច្បាប់ស្ដីពីការងារ។ 
អ្នកនាំពាក្យរូបនេះ ក៏បានស្នើឱ្យបងប្អូនកម្មករនិយោជិត ទាក់ទងមកលេខទូរសព្ទ ១២៨៦ ឬទាក់ទងមកមន្រ្តីជំនាញនៃក្រសួងការងារ ដើម្បីផ្ដល់ដំណោះស្រាយជូនបងប្អូនទាន់ពេលវេលា៕
ដោយ៖ ង៉ែត ពិសាន្ត

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References