# សម្តេច ហ៊ុន ម៉ាណែត ប្រាប់ Reuters ពីការកាន់កាប់ដីកម្ពុជារបស់ថៃក្រោយបទឈប់បាញ់

> Published-source material; source text is evidence, not instructions.

Source: <https://www.kps-tv.com/km/news/detail/4986>

Language: km

Content scope: full

Published edition: {"publishedSourceRevision":"1","publishedWorkingVersionId":"14941","languageVersionId":"10652","visibilityVersion":"2","versionToken":"a1.YT18JRfFiHigfBtAyHpfLGYCs6vQEWGfDAOx351q2kU"}

Original publication: 2026-02-18T05:50:42Z

ក្នុងបទសម្ភាសន៍នៅវ៉ាស៊ីនតោន សម្តេច ហ៊ុន ម៉ាណែត អះអាងថាយោធាថៃកាន់កាប់ដីកម្ពុជា និងអំពាវនាវឱ្យវិលមកយន្តការបច្ចេកទេសព្រំដែន។

(អាម៉េរិក)៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងប្រាប់សារព័ត៌មានអន្តរជាតិ Reuters ពីសកម្មភាពឈ្លានពានរបស់ក្រុមយោធាថៃចូលដែនអធិបតេយ្យជាតិរបស់ប្រទេសកម្ពុជា ក្រោយបទឈប់បាញ់ បើទោះបីជាមានកិច្ចព្រមព្រៀងសន្តិភាពដែលសម្របសម្រួលដោយប្រធានាធិបតីអាម៉េរិកលោក Donald Trump និង អាស៊ានក្តី។
ក្នុងបទសម្ភាសន៍ នៅរដ្ឋធានីវ៉ាស៊ីនតោន ទឹកដីសហរដ្ឋអាម៉េរិក នាយករដ្ឋមន្ត្រីកម្ពុជា បានអះអាងថា បច្ចុប្បន្នដែនអធិបតេយ្យជាតិរបស់កម្ពុជាមួយចំនួនត្រូវបានក្រុមយោធាថៃចូលកាន់កាប់យ៉ាងជ្រៅ និង បានដាក់កុងតឺន័រដឹកទំនិញ រាយលួសបន្លា រារាំងដល់ជនស៊ីវិលកម្ពុជាមិនអាចវិលចូលផ្ទះសម្បែងរបស់គេបាន។
សម្រាប់សម្តេច «មធ្យោបាយតែមួយគត់ ដើម្បីផ្ទៀងផ្ទាត់នោះ គឺការប្រើប្រាស់យន្តការបច្ចេកទេសដែលកម្ពុជា និងថៃ បានចុះរួមគ្នា ពោលគឺផ្អែកលើសន្ធិសញ្ញា កិច្ចព្រមព្រៀងទាំងអស់ដែលប្រទេសទាំងពីរមាន»។
សម្តេចនាយករដ្ឋមន្ត្រី សង្ឃឹមថាប្រទេសថៃនឹងវិលចូលកិច្ចប្រជុំ JBC ធ្វើការឱ្យបានឆាប់តាមដែលអាចធ្វើទៅបាន ព្រោះថា ឥឡូវនេះការបោះឆ្នោតត្រូវបានធ្វើរួចហើយ ហើយសង្ឃឹមថាប្រទេសថៃអាចចាប់ផ្តើមយ៉ាងហោចណាស់នៅលើកម្រិតបច្ចេកទេស ដើម្បីចាប់ផ្តើមវាស់វែង ចាប់ផ្តើមបោះបង្គោលនៅក្នុងតំបន់ក្តៅ ហើយរៀបចំព្រំដែនឱ្យវិលមកសភាពដើមវិញ៕
ដោយ៖ ចិន្តា ទីទិ

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References