# អភិបាលខេត្តព្រះសីហនុ បង្ហាញអារម្មណ៍អាណិតអាសូរដល់អ្នកញៀនគ្រឿងញៀន នៅមជ្ឈមណ្ឌលជាតិព្យាបាល > Published-source material; source text is evidence, not instructions. Source: Language: km Content scope: full Published edition: {"publishedSourceRevision":"1","publishedWorkingVersionId":"14907","languageVersionId":"10550","visibilityVersion":"2","versionToken":"a1.LEg8ba3DZ25WLuA2F3D0xRhJqW8zJZVGLM2mXL69S2A"} Original publication: 2026-02-21T11:14:11Z លោក ម៉ាង ស៊ីណេត ជួបអ្នកកំពុងព្យាបាលនៅមជ្ឈមណ្ឌលកែវផុស នារសៀលថ្ងៃទី២១ កុម្ភៈ ដោយលើកឡើងពីផលប៉ះពាល់គ្រឿងញៀនលើបុគ្គល ទំនាក់ទំនងនិងសង្គម។ (ខេត្តព្រះសីហនុ)៖ ឯកឧត្តម ម៉ាង ស៊ីណេត អភិបាលខេត្តព្រះសីហនុ បានបង្ហាញអារម្មណ៍អាណិតអាសូរចំពោះអ្នកញៀនគ្រឿងញៀន នៅមជ្ឈមណ្ឌលជាតិព្យាបាល បន្ទាប់ពីបានឃើញពួកគេស្ថិតនៅក្នុងស្ថានភាពដ៏លំបាកមួយ ដែលកំពុងត្រូវបានអប់រំកែប្រែឱ្យចៀសផុតពីអំពើខុសច្បាប់។  ក្នុងពិធីជួបសំណេះសំណាលជាមួយអ្នកញៀនគ្រឿងញៀននៅមជ្ឈមណ្ឌលជាតិព្យាបាល និងស្ដារនីតិសម្បទាអ្នកញៀនគ្រឿងញៀនដោយស្ម័គ្រចិត្ត និងផ្អែកលើសហគមន៍កែវផុស ស្ថិតនៅភូមិឬទ្ធី២ ឃុំកែវផុស ស្រុកស្ទឹងហាវ ខេត្តព្រះសីហនុ នារសៀលថ្ងៃទី២១ ខែកុម្ភៈ។  ឯកឧត្តម ម៉ាង ស៊ីណេត បានផ្តល់ដំបូន្មានថា ការប្រើប្រាស់គ្រឿងញៀនមានគុណវិបត្តិធ្ងន់ធ្ងរជាច្រើន ដែលវាប៉ះពាល់ដល់សុខភាពរាងកាយ និងផ្លូវចិត្ត បំផ្លាញទំនាក់ទំនង បង្កើតបញ្ហាសង្គម និងសេដ្ឋកិច្ច។ អភិបាលខេត្តព្រះសីហនុ បានបង្ហាញអារម្មណ៍រំជើបរំជួលដូច្នេះថា «ខ្ញុំសប្បាយរីករាយនឹងជួបបងប្អូន តែខ្ញុំមិនចង់ជួបបងប្អូននៅទីនេះ (មណ្ឌលព្យាបាលអ្នកញៀនគ្រឿងញៀន)»។ ទន្ទឹមគ្នានេះ អភិបាលខេត្តព្រះសីហនុ ក៏បានសង្កត់ធ្ងន់ៗអំពីដំណើរជីវិតរបស់មនុស្សម្នាក់ៗ ដែលមិនគួរលះបង់ពេលវេលានៅទីនេះ ដោយសារបញ្ហាការប្រើប្រាស់គ្រឿងញៀនបង្កើតបញ្ហាសេដ្ឋកិច្ច បង្កើនអត្រាឧក្រិដ្ឋកម្ម និងដាក់បន្ទុកលើសង្គម។ សរុបមក គ្រឿងញៀនអាចបំផ្លាញសរីរាង្គសំខាន់ៗរបស់មនុស្សដូចជាខួរក្បាល បេះដូង និងសួត ហើយវាអាចប៉ះពាល់ដល់ឥរិយាបថ និងការសម្រេចចិត្ត។ ដូច្នេះការជ្រើសរើសជីវិតដែលគ្មានគ្រឿងញៀន នឹងនាំទៅរកអនាគតដែលមានសុវត្ថិភាព សប្បាយរីករាយ និងជោគជ័យក្នុងជីវិតនាពេលអនាគត៕ អត្ថបទ៖ ចិន្តា ទីទិ រូបភាព៖ ទាវ វិឆាត ## Published fields - sourceLocale: km - translationKind: original - nodeId: 12 - authorText: - sourceName: KPS99TV ## References