{"asset":"news","key":"5098","locale":"km","id":"news:5098:km","entityId":"news:5098","canonicalUrl":"https://www.kps-tv.com/km/news/detail/5098","state":"ready","title":"នាវា SEABOURN ENCORE នាំទេសចរ៥២៩នាក់មកកំពង់ផែស្វយ័តក្រុងព្រះសីហនុ","summary":"នាវាទេសចរណ៍មកពីវៀតណាមបានចូលចតនាព្រឹកថ្ងៃទី២៤ ខែកុម្ភៈ ដោយមានភ្ញៀវ៥២៩នាក់ និងនាវិក៤១៥នាក់ ហើយគ្រោងបន្តទៅថៃនៅយប់ថ្ងៃដដែល។","body":"ភ្ញៀវទេសចរចម្រុះជាតិសាសន៍ ៥២៩នាក់ (ស្រី២៧១នាក់) បានធ្វើដំណើរកម្សាន្តមកកាន់ខេត្តព្រះសីហនុ តាមរយៈនាវាទេសចរណ៍ខ្នាតយក្ស SEABOURN ENCORE សញ្ជាតិ BAHAMAS បន្ទាប់ពីចេញដំណើរមកពីប្រទេសវៀតណាម។ នាវា១គ្រឿងនេះ បានចូលសំចតនៅកំពង់ផែស្វយ័តក្រុងព្រះសីហនុ នៅម៉ោង៧និង០០នាទីព្រឹកថ្ងៃទី២៤ ខែកុម្ភៈ ឆ្នាំ២០២៦។\nការមកដល់របស់ភ្ញៀវទេសចរជាង៥រយនាក់នេះ ក៏មានការទទួលស្វាគមន៍យ៉ាងរុះរាយរាក់ទាក់ពីសំណាក់ថ្នាក់ដឹកនាំតំណាងឱ្យរដ្ឋបាលខេត្តព្រះសីហនុ។ ក្នុងនោះ ក៏មានការប្រគល់«ក្រមារខ្មែរ» ដែលមានប៉ាក់រូបទង់ជាតិនៃប្រទេសកម្ពុជា និងឡូហ្គោតំណាង រដ្ឋបាលខេត្តព្រះសីហនុ ជូនភ្ញៀវទេសចរ ដើម្បីទុកជាវត្ថុអនុស្សាវរីយទៀតផង។\nបើតាមរបាយការណ៍បញ្ជាក់ថា ភ្ញៀវទេសចរជាង ៥រយនាក់នេះ មាន២៣សញ្ជាតិ និងនាវិកចំនួន ៤១៥នាក់ (ស្រី ៨៨នាក់) មាន ៤៣សញ្ជាតិ។ ចំនួនសញ្ជាតិដែលមានភ្ញៀវច្រើនជាងគេ គឺសហរដ្ឋអាមេរិក មានចំនួនរហូតដល់ ២៦១នាក់។ នាវានេះ នឹងចាកចេញទៅប្រទេសថៃ នៅម៉ោង ២០:០០នាទី នាថ្ងៃដដែល។ នាវាទេសចរណ៍ខ្នាតយក្ស  SEABOURN ENCORE មានបណ្តោយប្រវែង ២១០,៥០ ម៉ែត្រ ទទឹងប្រវែង ២៨,០០ ម៉ែត្រ និងជម្រៅ ៦,០០ ម៉ែត្រ៕\n\nអត្ថបទ៖ ង៉ែត ពិសាន្ត\nរូបភាព៖ កែវ ដារ៉ា","contentScope":"full","proof":{"publishedSourceRevision":"1","publishedWorkingVersionId":"14884","languageVersionId":"10481","visibilityVersion":"2","versionToken":"a1.ovByoGpi4P7VGKbKbb-HDX29BlGJs2nslZF32JRoIFw"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-02-24T03:28:26Z"}