{"asset":"news","key":"5133","locale":"km","id":"news:5133:km","entityId":"news:5133","canonicalUrl":"https://www.kps-tv.com/km/news/detail/5133","state":"ready","title":"ដើម្បីពង្រឹងសុវត្ថិភាពជូនភ្ញៀវទេសចរ កម្លាំងនគរបាលចរាចរណ៍ផ្លូវទឹក ខេត្តព្រះសីហនុ ចុះត្រួតពិនិត្យបច្ចេកទេសជលយានយន្ត","summary":"ការត្រួតពិនិត្យថ្ងៃទី២៥ កុម្ភៈផ្ដោតសភាពជលយានយន្ត ម៉ាស៊ីន អាវពោង ឧបករណ៍សង្គ្រោះ និងការទប់ស្កាត់ដឹកលើសកំណត់។","body":"ខេត្តព្រះសីហនុ៖ កម្លាំងជំនាញនគរបាលចរាចរណ៍ផ្លូវទឹក នៃស្នងការដ្ឋាននគរបាលខេត្តព្រះសីហនុ បានបន្តសកម្មភាពចុះត្រួតពិនិត្យលក្ខណៈបច្ចេកទេសជលយានយន្តដឹកជញ្ជូនទេសចរណ៍ ដើម្បីធានាសន្តិសុខ សុវត្ថិភាព និងសណ្តាប់ធ្នាប់តាមដងផ្លូវទឹក។\nនៅព្រឹកថ្ងៃទី ២៥ ខែកុម្ភៈ ឆ្នាំ ២០២៦ នេះ កម្លាំងការិយាល័យនគរបាលចរាចរណ៍ផ្លូវទឹក បានចុះត្រួតពិនិត្យជលយានយន្តដែលធ្វើអាជីវកម្មដឹកជញ្ជូនភ្ញៀវទេសចរ ធ្វើដំណើរកម្សាន្តទៅតាមបណ្តាកោះនានា។ កិច្ចប្រតិបត្តិការនេះ អនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការចង្អុលណែនាំផ្ទាល់ពី ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ។\nគោលបំណងសំខាន់នៃការត្រួតពិនិត្យនេះ ផ្តោតលើចំណុចបច្ចេកទេស និងវិធានការសុវត្ថិភាព រួមមាន៖ ពិនិត្យលក្ខណៈបច្ចេកទេស ដើម្បីធានាថាជលយានយន្តមានសភាពរឹងមាំ និងម៉ាស៊ីនដំណើរការល្អ, ត្រួតពិនិត្យអាវពោង និងឧបករណ៍សង្គ្រោះបន្ទាន់ឱ្យមានគ្រប់គ្រាន់តាមចំនួនភ្ញៀវ, ទប់ស្កាត់ការដឹកភ្ញៀវលើសកំណត់ ដែលអាចបង្កគ្រោះថ្នាក់ជាយថាហេតុ, បង្កើនទំនុកចិត្តជូនភ្ញៀវទេសចរជាតិ និងអន្តរជាតិ ដែលមកសម្រាកកម្សាន្តក្នុងខេត្តព្រះសីហនុ និងបន្តដំណើរកម្សាន្តទៅតាមបណ្តាកោះនានា។\nអាជ្ញាធរមានសមត្ថកិច្ច ក៏បានអំពាវនាវដល់ម្ចាស់អាជីវកម្មជលយានយន្តទាំងអស់ ឱ្យចូលរួមគោរពច្បាប់ចរាចរណ៍ផ្លូវទឹកឱ្យបានខ្ជាប់ខ្ជួន ដើម្បីរួមចំណែកកាត់បន្ថយគ្រោះថ្នាក់ និងលើកកម្ពស់វិស័យទេសចរណ៍ក្នុងខេត្តឱ្យកាន់តែល្អប្រសើរឡើងបន្ថែមទៀត៕ ដោយ៖ ប៉ៃ សុឃីម","contentScope":"full","proof":{"publishedSourceRevision":"1","publishedWorkingVersionId":"14862","languageVersionId":"10415","visibilityVersion":"2","versionToken":"a1.xxcK4kW-Tu075gMjpqawr4bqFmt3aNM2m8oNXPMGMAM"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-02-25T09:15:34Z"}