{"asset":"news","key":"5173","locale":"km","id":"news:5173:km","entityId":"news:5173","canonicalUrl":"https://www.kps-tv.com/km/news/detail/5173","state":"ready","title":"ក្រសួងវប្បធម៌អំពាវនាវឱ្យអ្នកច្នៃម៉ូតស្រាវជ្រាវពីប្រវត្តិសម្លៀកបំពាក់ប្រពៃណីខ្មែរឱ្យបានច្បាស់ចៀសវាងខុសឆ្គង!","summary":"សេចក្ដីណែនាំថ្ងៃទី២៦ កុម្ភៈលើកការសិក្សាទម្រង់ដើម បរិបទនិងតម្លៃសម្លៀកបំពាក់ ដើម្បីចៀសវាងការប្រើខុសនិងកែច្នៃប៉ះពាល់អត្តសញ្ញាណ។","body":"ក្រសួងវប្បធម៌ បានអំពាវនាវសាធារណជន ពិសេសអ្នកច្នៃម៉ូតសម្លៀកបំពាក់ឱ្យព្យាយាមសិក្សាស្រាវជ្រាវឈ្វេងយល់ឱ្យច្បាស់អំពីប្រវត្តិសម្លៀកបំពាក់ប្រពៃណី ទាំងទម្រង់ និងបរិបទដើមនៃការប្រើប្រាស់ ចៀសវាងប្រើប្រាស់ខុសឆ្គង ឬត្រាប់តាមការកែច្នៃមួយចំនួនដែលកំពុងបង្កផលប៉ះពាល់ដល់អត្តសញ្ញាណសម្លៀកបំពាក់ប្រពៃណីខ្មែរ។ នេះបើយោងតាមសេចក្តីណែនាំរបស់ក្រសួងវប្បធម៌ និងវិចិត្រសិល្បៈចេញនៅថ្ងៃទី២៦ ខែកុម្ភៈ។\nក្រសួងវប្បធម៌ បញ្ជាក់ថា មុននឹងប្រើប្រាស់ជាសាធារណៈ ត្រូវឈ្វេងយល់ និងពិនិត្យមើលទាំងទម្រង់ និងបរិបទដើមនៃការប្រើប្រាស់ ព្រោះហេតុថា ការស្រឡាញ់ពេញចិត្តណាមួយ ឬការប្រើប្រាស់អ្វីមួយ ដោយពុំមានការស្វែងយល់ពីតម្លៃ និងឫសគល់ដើមឱ្យច្បាស់លាស់នោះអាចនាំមកនូវលទ្ធផលអវិជ្ជមានធ្វើឱ្យខូចខាតឬបាត់បង់តម្លៃនៃបេតិកភណ្ឌជាតិខ្លួនឯងទៅវិញ។\nសម្លៀកបំពាក់ប្រពៃណីខ្មែរ ជាមរតកវប្បធម៌ដ៏មានតម្លៃ បង្ហាញពីអត្តសញ្ញាណ ប្រវត្តិសាស្រ្ត និងទំនៀមទម្លាប់ប្រពៃណីរបស់ជនជាតិខ្មែរតាំងពីសម័យបុរាណមក។ ដូច្នេះការអំពាវនាវនេះ ក្រសួងវប្បធម៌ចង់ឱ្យសាធារណជនគ្រប់មជ្ឈដ្ឋានឈ្វេងយល់ពីចរិតលក្ខណៈដើមនៃសម្លៀកបំពាក់ប្រពៃណីមួយចំនួន ដើម្បីជំរុញការចូលរួមអភិរក្ស ក៏ដូចជាតម្រង់ទិសការច្នៃប្រឌិតឱ្យផ្អែកលើមូលដ្ឋានទំនៀមនៃវប្បធម៌ខ្មែរជាគោល ព្រមទាំងពញ្ញាក់អារម្មណ៍អ្នកប្រើប្រាស់ឱ្យផ្តោតការយកចិត្តទុកដាក់ខ្ពស់ ចៀសវាងការប្រើប្រាស់ខុសឆ្គង ឬត្រាប់តាមការកែច្នៃមួយចំនួនដែលកំពុងបង្កផលប៉ះពាល់ដល់អត្តសញ្ញាណសម្លៀកបំពាក់ប្រពៃណីខ្មែរ៕\nដោយ៖ ង៉ែត ពិសាន្ត","contentScope":"full","proof":{"publishedSourceRevision":"1","publishedWorkingVersionId":"14833","languageVersionId":"10328","visibilityVersion":"2","versionToken":"a1.Bkc8yFJ6261DaAZgaLEEpe6oPzAh_t4c41v6nxd_1is"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-02-27T03:53:55Z"}