# អ្នកនាំពាក្យ៖បើប្រេងឡើងថ្លៃខ្លាំងរដ្ឋនឹងបន្តវិធានការជួយសម្រាលបន្ទុកពលរដ្ឋ

> Published-source material; source text is evidence, not instructions.

Source: <https://www.kps-tv.com/km/news/detail/5257>

Language: km

Content scope: full

Published edition: {"publishedSourceRevision":"1","publishedWorkingVersionId":"14790","languageVersionId":"10199","visibilityVersion":"2","versionToken":"a1.pUsoYQnVSsbmdF64EaFqiJH7iPw_wWdPKRCEmrsar-8"}

Original publication: 2026-03-04T02:38:12Z

អ្នកនាំពាក្យ ប៉ែន សុវិជាតិ បានពន្យល់ថ្ងៃទី៤ ខែមីនា អំពីការបញ្ចុះថ្លៃ១សេនក្នុងមួយលីត្រ តាមកម្រិតតម្លៃអន្តរជាតិ និងថ្លៃលក់រាយសម្រាប់ថ្ងៃទី១–១០ ខែមីនា។

បន្ទាប់ពីផ្ទុះសង្គ្រាមនៅតំបន់មជ្ឈិមបូព៌ា រាជរដ្ឋាភិបាលកម្ពុជាបានត្រៀមបន្តអនុវត្តន៍វិធានការនានា ដើម្បីសម្រាលបន្ទុកចំណាយរបស់ប្រជាពលរដ្ឋនៅពេលតម្លៃប្រេងនៅលើទីផ្សារឡើងថ្លៃខ្លាំង។ បើតាមអ្នកនាំពាក្យក្រសួងពាណិជ្ជកម្ម ឯកឧត្តម ប៉ែន សុវិជាតិ នៅថ្ងៃទី០៤ ខែមីនា វិធានការមួយចំនួនទាំងនេះ រាជរដ្ឋាភិបាលបានធ្វើកាលពីអាណត្តិមុនៗរហូតដល់បច្ចុប្បន្ន នៅពេលមានការកើនឡើងតម្លៃប្រេងសាំងជាសកល។
ឯកឧត្តមអ្នកនាំពាក្យបញ្ជាក់ថា រាជរដ្ឋាភិបាលនឹងបញ្ចុះតម្លៃលក់រាយ ១សេនដុល្លារក្នុង១លីត្រ ក្នុងករណីដែលប្រេងសាំងនៅលើទីផ្សារអន្តរជាតិមានតម្លៃចាប់ពី ៩០ដុល្លារក្នុង១បារ៉ែល ប្រេងម៉ាស៊ូតមានតម្លៃចាប់ពី១០០ដុល្លារ ក្នុង១បារ៉ែលឡើងទៅ។ ដោយឡែក តម្លៃប្រេងលក់រាយតាមស្ថានីយប្រេងឥន្ធនៈនៅកម្ពុជា ត្រូវបានកំណត់ថ្លៃសម្រាប់រយៈពេល ១០ថ្ងៃម្តង។ ពីថ្ងៃទី០១ ដល់ថ្ងៃទី១០ ខែមីនា ឆ្នាំ២០២៦ តម្លៃសាំងធម្មតាត្រូវឱ្យលក់ ៣៨៥០រៀលក្នុង១លីត្រ ប្រេងម៉ាស៊ូតត្រូវលក់ ៣៨៥០រៀលក្នុង១លីត្រ។ បើធៀបនឹង១០ថ្ងៃមុន ប្រេងសាំងធម្មតាកើន ១០០រៀល និងប្រេងម៉ាស៊ូតកើន ៥០រៀល។
បើតាមឯកឧត្តម ប៉ែន សុវិជាតិ សង្គ្រាមនៅតំបន់មជ្ឈិមបូព៌ា ធ្វើឱ្យតម្លៃប្រេងនៅកម្ពុជាតិច ឬច្រើន អាចនឹងរងផលប៉ះពាល់ពីការស្ទុះទ្បើងនៃតម្លៃប្រេងអន្តរជាតិ ខណៈប្រទេសយើងមិនមែនជាប្រទេសផលិតប្រេងនោះទេ ដូច្នេះការប្រើប្រាស់បច្ចុប្បន្ន គឺផ្អែកលើការនាំចូល៕
ដោយ៖ ង៉ែត ពិសាន្ត

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References