{"asset":"news","key":"5275","locale":"km","id":"news:5275:km","entityId":"news:5275","canonicalUrl":"https://www.kps-tv.com/km/news/detail/5275","state":"ready","title":"ពង្រឹងសម្ព័ន្ធភាពពាណិជ្ជកម្ម កម្ពុជា–អឺរ៉ុប ឆ្ពោះទៅអនាគត៖ រដ្ឋ–ឯកជន បន្តសហការលើកកម្ពស់សេដ្ឋកិច្ច និងវិនិយោគ","summary":"ចម និម្មល ទទួលគណៈប្រតិភូ EU–ASEAN Business Council និង EuroCham Cambodia ដឹកនាំដោយ Sharon Toh នៅថ្ងៃទី៤ មីនា។","body":"នាព្រឹកថ្ងៃពុធ ទី៤ ខែមីនា ឆ្នាំ២០២៦ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអនុញ្ញាតជូនគណៈប្រតិភូក្រុមប្រឹក្សាធុរកិច្ចអាស៊ាន–អឺរ៉ុប និងសភាពាណិជ្ជកម្មអឺរ៉ុបប្រចាំកម្ពុជា ដឹកនាំដោយលោកស្រី Sharon Toh អនុប្រធានក្រុមប្រឹក្សាធុរកិច្ចសហភាពអឺរ៉ុប-អាស៊ាន ចូលជួបសម្តែងការគួរសម និងពិភាក្សាការងារ។\nកិច្ចជំនួបនេះ ប្រព្រឹត្តទៅក្នុងបរិយាកាសបើកចំហ និងមានន័យស្ថាបនាសំដៅពង្រឹងកិច្ចសហប្រតិបត្តិការរវាងរដ្ឋ និងវិស័យឯកជន ក្នុងការលើកកម្ពស់ទំនាក់ទំនងពាណិជ្ជកម្មទ្វេភាគី និងបង្កើនទំនុកចិត្តវិនិយោគរវាងកម្ពុជា និងដៃគូអឺរ៉ុប។\nភាគីទាំងពីរបានពិភាក្សាលើប្រធានបទសំខាន់ៗជាច្រើនរួមមាន ការសម្រួលពាណិជ្ជកម្ម បរិវត្តកម្មឌីជីថល ការពង្រឹងការតភ្ជាប់ខ្សែច្រវាក់ផ្គត់ផ្គង់ និងការលើកកម្ពស់សមាហរណកម្មក្នុងខ្សែច្រវាក់តម្លៃសក្ដានុពល ពិពិធកម្មទីផ្សារតាមរយៈការចរចាកិច្ចព្រមព្រៀងពាណិជ្ជកម្មសេរី ព្រមទាំងការអនុវត្តគោលនយោបាយពាណិជ្ជកម្មឆ្ពោះទៅឆ្នាំ២០៣០។ ក៏ដូចជាការត្រៀមខ្លួនរបស់កម្ពុជាចំពោះដំណើរការចាកចេញពីចំណាត់ក្រុមប្រទេសអភិវឌ្ឍន៍តិចតួច (LDC) ដោយធានាការរីកចម្រើនប្រកបដោយចីរភាព និងភាពប្រកួតប្រជែង។\nក្រសួងពាណិជ្ជកម្មបានបញ្ជាក់ពីការបន្តធ្វើកំណែទម្រង់ស្ថាប័ន និងបរិយាកាសធុរកិច្ច ដើម្បីឆ្លើយតបទៅនឹងតម្រូវការវិនិយោគិនអន្តរជាតិ និងបង្កើនភាពទាក់ទាញរបស់កម្ពុជា ជាគោលដៅវិនិយោគ និងមជ្ឈមណ្ឌលផលិតកម្មក្នុងតំបន់។ ដោយ៖ KPS99TV","contentScope":"full","proof":{"publishedSourceRevision":"1","publishedWorkingVersionId":"14783","languageVersionId":"10178","visibilityVersion":"2","versionToken":"a1.ZamvhnF1dT9PKKcOGzGuCsoXzkBEvhR3Jj24FRge5-s"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-03-04T09:21:17Z"}