{"asset":"news","key":"5296","locale":"km","id":"news:5296:km","entityId":"news:5296","canonicalUrl":"https://www.kps-tv.com/km/news/detail/5296","state":"ready","title":"ឯកឧត្តមរដ្ឋមន្ត្រី ឌិត ទីណា ទទួលជួបគណៈប្រតិភូក្រុមប្រឹក្សាធុរកិច្ចសហភាពអឺរ៉ុប–អាស៊ាន ពិភាក្សាឱកាសវិនិយោគក្នុងវិស័យកសិកម្មកម្ពុជា","summary":"លោក ឌិត ទីណា បានជួបប្រតិភូ EU–ASEAN Business Council ថ្ងៃទី៤ មីនា ពិភាក្សាឱកាសវិនិយោគកសិកម្ម ខ្សែច្រវាក់តម្លៃ ផលិតកម្មទឹកដោះគោស្រស់ និងការកែច្នៃកសិផល។","body":"នៅរសៀលថ្ងៃទី០៤ ខែមីនា ឆ្នាំ២០២៦ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ រួមជាមួយថ្នាក់ដឹកនាំក្រសួង បានទទួលជួបគណៈប្រតិភូ ក្រុមប្រឹក្សាធុរកិច្ចសហភាពអឺរ៉ុប–អាស៊ាន (EU–ASEAN Business Council: EU-ABC) ដឹកនាំដោយលោក Noel Clehane អនុប្រធាន EU-ABC ក្នុងជំនួបសម្ដែងការគួរសម និងពិភាក្សាការងារ នៅទីស្តីការក្រសួងកសិកម្ម រុក្ខាប្រមាញ់ និងនេសាទ។\nក្នុងឱកាសនោះ ឯកឧត្តមរដ្ឋមន្ត្រីបានសម្តែងការស្វាគមន៍ចំពោះចំណាប់អារម្មណ៍របស់គណៈប្រតិភូ EU-ABC ដែលមានបំណងពង្រីកការវិនិយោគនៅប្រទេសកម្ពុជា ពិសេសក្នុងវិស័យកសិកម្ម។ ភាគីទាំងពីរក៏បានពិភាក្សាអំពីសក្តានុពល និងឱកាសក្នុងការតភ្ជាប់ខ្សែច្រវាក់តម្លៃផលិតកម្ម ក៏ដូចជាការវិនិយោគលើវិស័យកសិកម្មសំខាន់ៗ។\nជាមួយគ្នានេះ កិច្ចពិភាក្សាក៏បានផ្តោតលើឱកាសអភិវឌ្ឍន៍ក្នុងវិស័យ ផលិតទឹកដោះគោស្រស់ និង ការកែច្នៃកសិផល ដើម្បីបង្កើនតម្លៃបន្ថែម និងពង្រីកទីផ្សារនាំចេញរបស់កម្ពុជា ទៅកាន់ទីផ្សារអន្តរជាតិ៕ ដោយ៖ KPS99TV","contentScope":"full","proof":{"publishedSourceRevision":"1","publishedWorkingVersionId":"14768","languageVersionId":"10133","visibilityVersion":"2","versionToken":"a1.czbfsrvdS0DPoiGTVukpGiTzT3_FpcGVYJHW6_xrvsE"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-03-05T08:04:11Z"}