# ក្រសួងអប់រំថ្កោលទោសការថតវីដេអូ និងប្រើពាក្យមិនសមរម្យលើអ្នកគ្រូនៅពោធិ៍សាត់

> Published-source material; source text is evidence, not instructions.

Source: <https://www.kps-tv.com/km/news/detail/5316>

Language: km

Content scope: full

Published edition: {"publishedSourceRevision":"1","publishedWorkingVersionId":"14763","languageVersionId":"10118","visibilityVersion":"2","versionToken":"a1.EHlzZ5gRo9XxKSuxEolyfs51fPZ8TMKktFMWc3oj0jQ"}

Original publication: 2026-03-06T07:29:40Z

ក្រសួងអប់រំបានចេញសេចក្តីថ្លែងការណ៍ថ្ងៃទី៦ ខែមីនា ចាត់ទុកថា ការថតវីដេអូ និងពាក្យសម្តីរំខានក្នុងសាលារៀន ប៉ះពាល់ដល់កិត្តិយសអ្នកគ្រូជាប់កិច្ចសន្យាម្នាក់។

ក្រសួងអប់រំ យុវជន និងកីឡា បានចេញសេចក្ដីថ្លែងការណ៍នៅថ្ងៃទី០៦ ខែមីនា ឆ្នាំ២០២៦នេះ ស្ដីពី ការបង្ហោះ និងចែកចាយវីដេអូខ្លីមួយនៅលើបណ្តាញសង្គម Facebook ដែលប៉ះពាល់យ៉ាងធ្ងន់ធ្ងរដល់កិត្តិយស និងសេចក្តីថ្លៃថ្នូររបស់អ្នកគ្រូជាប់កិច្ចសន្យាម្នាក់ នៃសាលាបឋមសិក្សា ក្នុងខេត្តពោធិ៍សាត់។
ក្រសួងអប់រំ ចាត់ទុកថា សកម្មភាពថតវីដេអូ និងការប្រើពាក្យសម្តីមិនសមរម្យរបស់បុគ្គលមួយរូប ដែលបានចូលធ្វើសកម្មភាពរំខានដល់ការបំពេញការងារ និងរៀនសូត្ររបស់សិស្ស នៅក្នុងបរិវេណសាលារៀន គឺជាការប្រមាថយ៉ាងធ្ងន់ធ្ងរដល់កិត្តិយស មន្ត្រីរាជការ ជាពិសេសគ្រូបង្រៀនជាស្ត្រី ដែលជារឿយៗ ក្រសួងអប់រំ យុវជន និងកីឡា និងរាជរដ្ឋាភិបាលកម្ពុជា តែងតែផ្តល់តម្លៃ និងការគោរពចំពោះមន្ត្រីរាជការ បុគ្គលិកអប់រំទាំងអស់ ជាពិសេសគ្រូបង្រៀនជាស្ត្រី ទាំងមន្ត្រីក្របខណ្ឌ និងមន្ត្រីជាប់កិច្ចសន្យា៕ អត្ថបទ៖ ឡាយ កុល

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References