# តម្លៃប្រេងសាំងនៅកម្ពុជាហក់ឡើងខ្ពស់!!សាំងធម្មតា៥២០០រៀល/លីត្រនិងម៉ាស៊ូត៦០៥០រៀល/លីត្រ > Published-source material; source text is evidence, not instructions. Source: Language: km Content scope: full Published edition: {"publishedSourceRevision":"1","publishedWorkingVersionId":"14714","languageVersionId":"9971","visibilityVersion":"2","versionToken":"a1.Im6--hkodM-Uw0xNzd5iQM3hj8ljAQj6dsYuLt3QKUs"} Original publication: 2026-03-11T02:33:21Z សាំងធម្មតា៥២០០រៀល និងម៉ាស៊ូត៦០៥០រៀលក្នុងមួយលីត្រ មានសុពលភាពដល់ថ្ងៃទី១៣ ខែមីនា ហើយក្រសួងតម្រូវឱ្យជូនដំណឹងមុនបិទយ៉ាងតិច១ថ្ងៃ។ នៅកម្ពុជាក្នុងរយៈពេល៣ថ្ងៃនេះ តម្លៃប្រេងសាំងបានហក់ឡើងខ្ពស់ ដោយសារសេចក្តីជូនដំណឹងរបស់ក្រសួងពាណិជ្ជកម្ម បានបញ្ជាក់ថា ប្រេងសាំងធម្មតាត្រូវកំណត់ឱ្យលក់ ៥២០០រៀល/លីត្រ និងប្រេងម៉ាស៊ូត ៦០៥០រៀល/លីត្រ។ តម្លៃនេះ មានសុពលភាពរហូតដល់ថ្ងៃទី១៣ ខែមីនា ឆ្នាំ២០២៦។  យ៉ាងណា បើធៀបកាលពីថ្ងៃទី០៨ដល់ថ្ងៃទី១០ ខែមីនាកន្លងទៅ តម្លៃប្រេងសាំងធម្មតាកើនឡើង ៨០០រៀល ខណៈប្រេងម៉ាស៊ូតកើនឡើង ៩០០រៀល។ ទន្ទឹមនឹងតម្លៃសាំងមានការកើនឡើងដូច្នេះ បានធ្វើឱ្យការ៉ាស់សាំង និងដេប៉ូចែកចាយប្រេងមួយចំនួននៅទូទាំងប្រទេសបានបន្តបិទទ្វារ បើទោះបីជាមានការអះអាងពីឯកឧត្តម កែវ រតនៈ រដ្ឋមន្រ្តីក្រសួងរ៉ែ និងថាមពលថា កម្ពុជាមិនទាន់មានស្ថានភាពដែលខ្វះប្រេងផ្គត់ផ្គង់នោះទេ ចំណែកសន្និធិបម្រុងរបស់កម្ពុជានៅតែឈរជើងបាន២១ថ្ងៃដដែល ហើយកម្ពុជានៅតែបន្តនាំប្រេងចូលរាល់ថ្ងៃក៏ដោយ។  ការបន្តបិទការ៉ាស់សាំង និងដេប៉ូប្រេង ដោយសារតែពួកគេអះអាងថា អស់ស្តុកប្រេងសម្រាប់លក់។ ខណៈក្រសួងពាណិជ្ជកម្មបានព្រមានថា ម្ចាស់ទីតាំងស្ថានីយនិងដេប៉ូចែកចាយប្រេងមិនអាចបិទទ្វារបានដោយឯកឯងនោះទេ មុននឹងបិទត្រូវជូនដំណឹងមកមន្ទីរនិងអាជ្ញាធរពាក់ព័ន្ធឱ្យបានដឹងមុនយ៉ាងតិច១ថ្ងៃ៕ ដោយ៖ ង៉ែត ពិសាន្ត ## Published fields - sourceLocale: km - translationKind: original - nodeId: 12 - authorText: - sourceName: KPS99TV ## References