# ទេសភាពថ្ងៃលិចនិងតម្លៃប្រវត្តិសាស្ត្រនៅបារាយណ៍នាគព័ន្ធ

> Published-source material; source text is evidence, not instructions.

Source: <https://www.kps-tv.com/km/news/detail/5444>

Language: km

Content scope: full

Published edition: {"publishedSourceRevision":"1","publishedWorkingVersionId":"14685","languageVersionId":"9884","visibilityVersion":"2","versionToken":"a1.mqzHNV6Zafsjt2OeeZgbCqbV3L3shy3M6SfoWeu9tWA"}

Original publication: 2026-03-12T09:18:07Z

បារាយណ៍ជយតដាកទាក់ទាញទេសចរមកគយគន់ថ្ងៃរះនិងថ្ងៃលិច និងមានតួនាទីក្នុងការរក្សាទឹកក្រោមដីនិងប្រព័ន្ធទឹកតំបន់អង្គរ។

នៅពេលសូរិយារៀបអស្តង្គត ពន្លឺពណ៌មាសក្រហមឆ្អៅបានជះចាំងប៉ះលើផ្ទៃទឹកបារាយណ៍ បង្កើតជាទស្សនីយភាពដ៏ស្រស់ត្រកាល ដែលធ្វើឱ្យអ្នកទស្សនាមានអារម្មណ៍ជក់ចិត្ត និងចងចាំមិនភ្លេច។
បច្ចុប្បន្ន បារាយណ៍នាគព័ន្ធ កំពុងក្លាយជាគោលដៅទេសចរណ៍ដ៏ពេញនិយមសម្រាប់ភ្ញៀវទេសចរជាតិ និងអន្តរជាតិ ក្នុងការមកគយគន់សម្រស់ថ្ងៃរះ និងថ្ងៃលិចដ៏អស្ចារ្យ។
បារាយណ៍ជយតដាក (បារាយណ៍ខាងជើង) ត្រូវបានកសាងឡើងក្នុងរាជ្យព្រះបាទ ជ័យវរ្ម័នទី៧។ ទោះបីជាមានអាយុកាលជាច្រើនសតវត្សរ៍មកហើយក៏ដោយ បារាយណ៍ដែលមានបណ្តោយប្រមាណ ៣,៦០០ម៉ែត្រ និងទទឹង ៩៣០ម៉ែត្រ នេះ នៅតែរក្សាបាននូវភាពអស្ចារ្យ និងតម្លៃប្រវត្តិសាស្ត្ររបស់ខ្លួន។
បច្ចុប្បន្ន បារាយណ៍ប្រវត្តិសាស្ត្រនេះ មិនត្រឹមតែជាគោលដៅទេសចរណ៍សំខាន់ប៉ុណ្ណោះទេ ប៉ុន្តែថែមទាំងមានតួនាទីសំខាន់ក្នុងការរក្សាស្រទាប់ទឹកក្រោមដី និងជួយទ្រទ្រង់ប្រព័ន្ធធារាសាស្ត្រនៅក្នុងតំបន់អង្គរធំ រួមទាំងប្រាសាទ នាគព័ន្ធ និង ប្រាសាទព្រះខ័ន ផងដែរ៕ ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References