# អគារអតីតសាលាបឋមសិក្សាបដិវត្តន៍ត្រៀមនីតិវិធីរុះរើក្រោយដោះស្រាយជាមួយអ្នករស់នៅ

> Published-source material; source text is evidence, not instructions.

Source: <https://www.kps-tv.com/km/news/detail/5467>

Language: km

Content scope: full

Published edition: {"publishedSourceRevision":"1","publishedWorkingVersionId":"14668","languageVersionId":"9833","visibilityVersion":"2","versionToken":"a1.3xemVMILqulz245SRjlLA9i7gOiAHHkR-1o6hq0QvUA"}

Original publication: 2026-03-13T06:47:50Z

ក្រុមការងារសំណង់ចាស់ទ្រុឌទ្រោមបានពិនិត្យអគារអតីតសាលា និងសំណង់ជិតខាង២ទីតាំង ដើម្បីត្រៀមនីតិវិធីរុះរើ។

ក្រុមការងារសំណង់អគារចាស់ទ្រុឌទ្រោម ដឹកនាំដោយ លោកជំទាវ សេរី សូរិយា អនុរដ្ឋលេខាធិការ និងជាប្រធានក្រុមការងារសំណង់អគារចាស់ទ្រុឌទ្រោម នៃក្រសួង បន្ទាប់ពីបានអនុវត្តនីតិវិធីជាបន្តបន្ទាប់ និងបានបញ្ចប់ការដោះស្រាយជាមួយប្រជាពលរដ្ឋដែលរស់នៅក្នុងអគារអតីតសាលាបឋមសិក្សាបដិវត្តន៍ ដែលជាអគារមានហានិភ័យ និងស្ថិតក្នុងសភាពគ្រោះថ្នាក់មួយ នៅរាជធានីភ្នំពេញ។
ក្រោយបញ្ចប់ដំណើរការដោះស្រាយនេះ ក្រុមការងារសំណង់អគារចាស់ទ្រុឌទ្រោម បានចុះពិនិត្យទីតាំងជាក់ស្តែង ដើម្បីចាប់ផ្តើមរៀបចំអនុវត្តនីតិវិធីក្នុងការរុះរើអគារនោះ។
ជាមួយគ្នានេះ លោកជំទាវ សេរី សូរិយា ក៏បានអញ្ជើញដឹកនាំសម្របសម្រួលជាមួយក្រុមហ៊ុនពិគ្រោះបច្ចេកទេស ចុះពិនិត្យទីតាំងអគារអតីតសាលាបឋមសិក្សាបដិវត្តន៍ និងសំណង់ជិតខាងចំនួន២ទីតាំង ដើម្បីរៀបចំអនុវត្តនីតិវិធីរុះរើ។
សកម្មភាពនេះ មានការចូលរួមពីលោកជំទាវ ភឹម រុនស៊ីណារតន៍ អនុរដ្ឋលេខាធិការ និងជាអនុប្រធានក្រុមការងារ ព្រមទាំង លោក យ៉ា សាដេត ទីប្រឹក្សាក្រសួង លោកអភិបាលរងខណ្ឌដូនពេញ ក្រុមការងារធនាគារ Maybank ក្រុមការងារសំណង់អគារចាស់ទ្រុឌទ្រោម និងមន្ត្រីពាក់ព័ន្ធផ្សេងទៀតផងដែរ។ ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References