# សម្តេចធិបតីណែនាំឱ្យពង្រឹងសុវត្ថិភាពចរាចរណ៍សម្រាប់ការធ្វើដំណើរចូលឆ្នាំ

> Published-source material; source text is evidence, not instructions.

Source: <https://www.kps-tv.com/km/news/detail/5797>

Language: km

Content scope: full

Published edition: {"publishedSourceRevision":"1","publishedWorkingVersionId":"14337","languageVersionId":"9079","visibilityVersion":"2","versionToken":"a1.0US2ag9aKN4wWJ88bM2_gZj0tvSxbFLHOcqamiYgIKA"}

Original publication: 2026-03-31T03:46:52Z

សារព្រឹកថ្ងៃទី៣១ មីនាណែនាំអាជ្ញាធរអនុវត្តវិធានសុវត្ថិភាព និងក្រើនរំលឹកប្រជាពលរដ្ឋឱ្យបើកបរប្រុងប្រយ័ត្ន គោរពច្បាប់ ជាពិសេសកុំបើកបរពេលស្រវឹង ក្នុងបុណ្យថ្ងៃទី១៤ដល់១៦ មេសា។

នាយករដ្ឋមន្រ្តីកម្ពុជា សម្តេចធិបតី ហ៊ុន ម៉ាណែត បានបង្ហោះសារនៅលើទំព័រហ្វេសប៊ុកនាព្រឹកថ្ងៃទី៣១ ខែមីនាដោយណែនាំឱ្យគណ:បញ្ជាការឯកភាពរាជធានី-ខេត្ត ជាពិសេសសមត្ថកិច្ចពាក់ព័ន្ធទាំងអស់ត្រូវយកចិត្តទុកដាក់អនុវត្តបទបញ្ជារបស់រាជរដ្ឋាភិបាលឱ្យបានម៉ឺងម៉ាត់ក្នុងការពង្រឹងសុវត្ថិភាពចរាចរណ៍ផ្លូវគោក ក្នុងឱកាសដែលប្រជាជនខ្មែរនឹងត្រូវធ្វើដំណើរទៅស្រុកកំណើត ឬដំណើរកម្សាន្តពេលចូលឆ្នាំថ្មីប្រពៃណីជាតិខ្មែរ។
ការណែនាំរបស់សម្តេចធិបតី ធ្វើឡើងស្របពេលដែលពិធីបុណ្យចូលឆ្នាំថ្មីប្រពៃណីជាតិខ្មែរកាន់តែខិតជិតមកដល់ពោលគឺនៅថ្ងៃទី១៤ដល់ថ្ងៃទី១៦ ខែមេសាខាងមុខ។ ម្យ៉ាងវិញទៀត ការណែនាំដូច្នេះ ទំនងដោយសារតែសម្តេចសង្កេតឃើញគ្រោះថ្នាក់ចរាចរណ៍តែងកើតឡើងច្រើនក្នុងរយៈពេលកន្លងទៅនេះ និងដើម្បីការពារសុខសុវត្ថិភាពរបស់ប្រជាពលរដ្ឋក្នុងអំឡុងបុណ្យចូលឆ្នាំថ្មីផង។
សម្តេចធិបតីនាយករដ្ឋមន្រ្តី ក៏បានអំពាវនាវឱ្យប្រជាពលរដ្ឋបើកបរដោយប្រុងប្រយ័ត្នខ្ពស់ និងគោរពច្បាប់ចរាចរណ៍ឱ្យបានម៉ឺងម៉ាត់ ជាពិសេសក្នុងអំឡុងពេលបុណ្យចូលឆ្នាំប្រពៃណីជាតិខ្មែរនាពេលខាងមុខ។ សម្តេចក្រើនរំលឹកថា ចំពោះការបើកបរដោយមិនគោរពច្បាប់ជាពិសេសការបើកបរដោយស្ថិតក្រោមស្ថានភាពស្រវឹងដែលបានបង្កឱ្យមានគ្រោះថ្នាក់ដល់អាយុជីវិតអ្នកដទៃ និងត្រូវទទួលខុសត្រូវតាមច្បាប់យ៉ាងតឹងរឹងបំផុត ដោយគ្មានការលើកលែងឡើយ៕
ដោយ៖ ង៉ែត ពិសាន្ត

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References