# ការសាងសង់ចំណតផែកុងតឺន័រទឹកជ្រៅជំហានទី១ សម្រេចបានប្រមាណ៦៤,៥៣% គិតត្រឹមចុងខែមីនា

> Published-source material; source text is evidence, not instructions.

Source: <https://www.kps-tv.com/km/news/detail/5821>

Language: km

Content scope: full

Published edition: {"publishedSourceRevision":"1","publishedWorkingVersionId":"14321","languageVersionId":"9031","visibilityVersion":"2","versionToken":"a1.dLnhKz3OQ4Uox4GY72TcN9b9PM6WBx1qihHyUT3ZYEk"}

Original publication: 2026-04-01T08:10:16Z

តាមសេចក្តីរាយការណ៍ វឌ្ឍនភាពចុងខែមីនាសម្រេចបាន៦៤,៥៣% គម្រោងជំហានទី១គ្រោងបញ្ចប់ឆ្នាំ២០២៨ និងទុនវិនិយោគទាំងបីដំណាក់កាលប្រមាណ៧៥០លានដុល្លារ។

រដ្ឋាភិបាលកម្ពុជា បានវិនិយោគទឹកប្រាក់ប្រមាណ ៧៥០ លានដុល្លារ ដើម្បីអភិវឌ្ឍកំពង់ផែទឹកជ្រៅខេត្តព្រះសីហនុ ទាំង ៣ ដំណាក់កាល ដើម្បីឆ្លើយតបទៅនឹងកំណើនការដឹកជញ្ជូនទំនិញតាមផ្លូវសមុទ្រ និងការធ្វើពាណិជ្ជកម្មរបស់ប្រទេសកម្ពុជា។
គិតត្រឹមដំណាច់ខែមីនា ឆ្នាំ២០២៦ វឌ្ឍនភាពនៃការងារសាងសង់ចំណតផែកុងតឺន័រទឹកជ្រៅថ្មី ជំហានទី ១ សម្រេចបានប្រមាណ ៦៤,៥៣% នៃផែនការគ្រោងទុក។ នេះបើយោងតាមកិច្ចប្រជុំប្រចាំខែមីនា ឆ្នាំ២០២៦ ស្តីពីការត្រួតពិនិត្យវឌ្ឍនភាព និងសុវត្ថិភាពការដ្ឋានសាងសង់ ក្នុងការអនុវត្តគម្រោងអភិវឌ្ឍន៍ចំណតផែកុងតឺន័រទឹកជ្រៅថ្មី ជំហានទី ១ ក្រោមការចូលរួមពីលោក ទី សាគុណ អគ្គនាយករងទទួលបន្ទុកបច្ចេកទេស ជាមួយក្រុមហ៊ុនសាងសង់ TOA Corporation ខណៈដែលតាមផែនការសាងសង់ គ្រោងបញ្ចប់នៅឆ្នាំ ២០២៨។
ប្រមុខរដ្ឋាភិបាល បានបញ្ជាក់នាពេលកន្លងមកថា ការវិនិយោគអភិវឌ្ឍកំពង់ផែស្វយ័តក្រុងព្រះសីហនុ គឺជាយុទ្ធសាស្ត្រយកលុយបង្កើតលុយ។ ការអភិវឌ្ឍចំណតផែកុងតឺន័រថ្មីទាំង ៣ ដំណាក់កាល នឹងប្រែក្លាយកំពង់ផែស្វយ័តក្រុងព្រះសីហនុ ទៅជាកំពង់ផែអន្តរជាតិខ្នាតធំ (Hub Port) ដែលអនុញ្ញាតឱ្យនាវាកុងតឺន័រធុនធំៗ ពីគ្រប់តំបន់នៅលើពិភពលោក អាចចូលចតបាន ដោយពុំមានឧបសគ្គលើជម្រៅទឹកនោះឡើយ៕ ដោយ៖ ប៉ៃ សុឃីម

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References