{"asset":"news","key":"5844","locale":"km","id":"news:5844:km","entityId":"news:5844","canonicalUrl":"https://www.kps-tv.com/km/news/detail/5844","state":"ready","title":"ក្រសួងបរិស្ថានព្រមានពីកម្តៅកើនឡើង និងអំពាវនាវបង្ការអគ្គិភ័យ","summary":"នៅថ្ងៃទី២ មេសា ក្រសួងបានព្រមានថា អាកាសធាតុក្តៅស្ងួតអាចបង្កើនហានិភ័យអគ្គិភ័យលំនៅដ្ឋាននិងព្រៃឈើ ហើយណែនាំវិធានប្រុងប្រយ័ត្នប្រើភ្លើង អគ្គិសនី និងការឆ្លើយតប។","body":"នៅថ្ងៃទី២ ខែមេសា ឆ្នាំ២០២៦ ក្រសួងបរិស្ថាន បានជូនដំណឹងអំពីស្ថានភាពសីតុណ្ហភាពកំពុងកើនឡើងនៅទូទាំងប្រទេស ដែលអាចបង្កើនហានិភ័យនៃអគ្គីភ័យលើលំនៅដ្ឋាន និងភ្លើងឆេះព្រៃ ប្រសិនបើមិនមានវិធានការប្រុងប្រយ័ត្នគ្រប់គ្រាន់។\nតាមការវាយតម្លៃ ស្ថានភាពអាកាសធាតុក្តៅ និងស្ងួតដែលអាចបន្តអស់រយៈពេលច្រើនសប្តាហ៍ខាងមុខ នឹងបង្កលក្ខខណ្ឌឱ្យភ្លើងឆេះងាយរីករាលដាលយ៉ាងឆាប់រហ័ស ជាពិសេសនៅតំបន់លំនៅដ្ឋាន ដីកសិកម្ម និងតំបន់ព្រៃឈើ។ ដោយហេតុនេះ ក្រសួងបរិស្ថាន បានអំពាវនាវឱ្យប្រជាពលរដ្ឋមានការប្រុងប្រយ័ត្នខ្ពស់ និងចូលរួមអនុវត្តវិធានការបង្ការយ៉ាងតឹងរឹង។\nក្រសួងបានណែនាំឱ្យជៀសវាងការដុតសំណល់កសិកម្ម សំរាម ឬរុក្ខជាតិនៅជិតលំនៅដ្ឋាន និងសហគមន៍ ព្រោះសូម្បីតែភ្លើងតូចៗ ក៏អាចរីករាលដាលទៅជាអគ្គីភ័យធំបាន ក្រោមលក្ខខណ្ឌកម្តៅខ្លាំង និងខ្យល់បក់ខ្លាំង។ ការធ្វេសប្រហែសក្នុងការគ្រប់គ្រងភ្លើង អាចបណ្តាលឱ្យខូចខាតទ្រព្យសម្បត្តិ និងគំរាមកំហែងដល់អាយុជីវិតប្រជាពលរដ្ឋ ខណៈភ្លើងឆេះព្រៃក៏អាចបំផ្លាញធនធានធម្មជាតិ និងជីវៈចម្រុះយ៉ាងធ្ងន់ធ្ងរ។\nជាមួយគ្នានេះ ក្រសួងបរិស្ថាន បានផ្តល់អនុសាសន៍ឱ្យប្រជាពលរដ្ឋអនុវត្តវិធានសុវត្ថិភាពជាប្រចាំ ដូចជា ការពន្លត់ភ្លើងបន្ទាប់ពីប្រើប្រាស់ ការប្រុងប្រយ័ត្នមិនឱ្យអណ្តាតភ្លើងប៉ះពាល់វត្ថុងាយឆេះ និងការត្រួតពិនិត្យប្រព័ន្ធអគ្គិសនីឱ្យមានសុវត្ថិភាព។\nអាជ្ញាធរមូលដ្ឋានត្រូវបានលើកទឹកចិត្តឱ្យពង្រឹងការត្រួតពិនិត្យ និងត្រៀមសមត្ថភាពឆ្លើយតបរហ័សនៅតំបន់មានហានិភ័យខ្ពស់ ដើម្បីទប់ស្កាត់ឧប្បត្តិហេតុមុនពេលវារីករាលដាលទៅជាអគ្គីភ័យទ្រង់ទ្រាយធំ។ ការបង្ការអគ្គីភ័យ មិនត្រឹមតែជាការពារទ្រព្យសម្បត្តិ និងជីវភាពរស់នៅប៉ុណ្ណោះទេ ប៉ុន្តែថែមទាំងជួយកាត់បន្ថយការបំពុលបរិយាកាស និងការពារសុខភាពសាធារណៈ ក្នុងអំឡុងពេលអាកាសធាតុក្តៅផងដែរ។\nក្រសួងបរិស្ថាន បានអំពាវនាវជាថ្មីឱ្យប្រជាពលរដ្ឋ និងសហគមន៍ទាំងអស់ សហការអនុវត្តវិធានការបង្ការយ៉ាងម៉ឺងម៉ាត់ ដើម្បីកាត់បន្ថយហានិភ័យអគ្គីភ័យ និងធានាសុវត្ថិភាពសាធារណៈក្នុងរដូវប្រាំងនេះ៕ ដោយ៖ KPS99TV","contentScope":"full","proof":{"publishedSourceRevision":"1","publishedWorkingVersionId":"14302","languageVersionId":"8974","visibilityVersion":"2","versionToken":"a1.gpERDw88e8sXWwQNZba9nJCrmYDubbVKAJEd5WtnFfk"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-04-02T06:37:48Z"}