{"asset":"news","key":"5890","locale":"km","id":"news:5890:km","entityId":"news:5890","canonicalUrl":"https://www.kps-tv.com/km/news/detail/5890","state":"ready","title":"នគរបាលភ្នំពេញឃាត់ខ្លួនជនបរទេស១៤នាក់ សង្ស័យពាក់ព័ន្ធនឹងការឆបោកអនឡាញ","summary":"នគរបាលរាយការណ៍ថា នៅថ្ងៃទី៤ ខែមេសា ខ្លួនបានឃាត់ខ្លួនជនជាតិបង់ក្លាដេស៥នាក់ និងប៉ាគីស្ថាន៩នាក់ នៅខណ្ឌកំបូល និងដកហូតទូរសព្ទ៥៧គ្រឿង និងកុំព្យូទ័រ All-in-one ៥គ្រឿង។ ករណីនេះកំពុងបន្តនីតិវិធី។","body":"ក្រោមការបញ្ជាពីឯកឧត្តម ឃួង ស្រេង អភិបាលរាជធានីភ្នំពេញ និងឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ រួមទាំងអាជ្ញាធរខណ្ឌកំបូល និងដោយមានការសម្របសម្រួលពីលោក សូ សុវិទ្យា ព្រះរាជអាជ្ញារង អមសាលាដំបូងរាជធានីភ្នំពេញ។\nនៅថ្ងៃទី ៤ ខែមេសា ឆ្នាំ២០២៦ កម្លាំងជំនាញស្រាវជ្រាវរហូតឃាត់ខ្លួនបានជនជាតិបង់ក្លាដេស ៥នាក់ ‎និងប៉ាគីស្ថាន ៩នាក់ ក្រោយរកឃើញការស្នាក់នៅមិនប្រក្រតី និងសង្ស័យពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា Online Scam ស្ថិតក្នុងបុរីកំបូលស៊ីធី ផ្ទះលេខ៦២C ផ្លូវលេខ០២ សង្កាត់កន្ទោក ខណ្ឌកំបូល រាជធានីភ្នំពេញ ។\nក្នុងប្រតិបត្តិការសមត្ថកិច្ច បានដកហូតវត្ថុតាងមានដូចជា ទូរសព្ទដៃ ៥៧គ្រឿង, កុំព្យូទ័រ (All-in-one) ០៥គ្រឿង និងស៊ីមកាតប្រភេទស៊ីមបរទេសមួយចំនួនធំ។\nលទ្ធផលកោសលវិច័យរកឃើញ ជនសង្ស័យប្រើប្រាស់ប្រទេសកម្ពុជាប្រព្រឹត្តបទល្មើសឆបោក online scam ក្រោមរូបភាពផ្តល់ការងារ។\nបច្ចុប្បន្ន ជនបរទេសទាំង ១៤ នាក់ រួមនឹងវត្ថុតាងទាំងអស់ ត្រូវបានកម្លាំងជំនាញនាំយកទៅកាន់ស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធីសាកសួរ និងចាត់ការតាមច្បាប់៕\nដោយ៖ ប៉ៃ សុឃីម","contentScope":"full","proof":{"publishedSourceRevision":"1","publishedWorkingVersionId":"14263","languageVersionId":"8869","visibilityVersion":"2","versionToken":"a1.e0c3xIu1SJwdBasmMK4EPxgAq4fxvVS7u0YwyeS-J3o"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-04-05T02:51:24Z"}