{"asset":"news","key":"5897","locale":"km","id":"news:5897:km","entityId":"news:5897","canonicalUrl":"https://www.kps-tv.com/km/news/detail/5897","state":"ready","title":"អភិបាលរងខេត្តព្រះសីហនុ ចុះពិនិត្យវឌ្ឍនភាពនៃការសាងសង់អាងប្រព្រឹត្តកម្មនៅរោងចក្រកែច្នៃស្បែកសត្វគូប៊ុន នៅស្រុកព្រៃនប់","summary":"លោក ឡុង ឌីម៉ង់ បានពិនិត្យការសាងសង់អាងប្រព្រឹត្តកម្មរបស់ក្រុមហ៊ុន KUBON នៅថ្ងៃទី៣ ខែមេសា មុនពិចារណាសំណើស្តារអានុភាពអគ្គិសនីសម្រាប់ការសាកល្បង។","body":"លោក ឡុង ឌីម៉ង់ អភិបាលរងខេត្តបានបញ្ជាក់ថា ការចុះពិនិត្យរោងចក្រកែច្នៃស្បែកសត្វរបស់ក្រុមហ៊ុនគូប៊ុននេះ ជាភារកិច្ចចាំបាច់មុននឹងឆ្លើយតបសំណើរបស់ក្រុមហ៊ុនក្នុងការតម្លើងអានុភាពអគ្គីសនីឱ្យដូចដើមមកវិញ ដើម្បីដាក់ដំណើរការសាកល្បងម៉ាស៊ីន និងអាងចម្រោះដែលគ្រោងនិងបញ្ចប់ការសាងសង់នាពេលខាងមុខ។ តាមរយៈការចុះពិនិត្យនេះ ឃើញថាក្រុមហ៊ុនបានបង្ហាញនូវសុឆន្ទៈក្នុងការកែតម្រូវតាមការណែនាំនិងស្របទៅតាមស្តង់ដាបច្ចេកទេស ដើម្បីអាចបើកដំណើរការផលិតកម្មឡើងវិញពិតប្រាកដមែន។\nលោក ឡុង ឌីម៉ង់ អភិបាលរងខេត្តព្រះសីហនុ លើកឡើងដូចនេះក្នុងឱកាសដឹកនាំក្រុមការងារចម្រុះចុះពិនិត្យវឌ្ឍនភាពនៃការសាងសង់អាងប្រព្រឹត្តកម្មនៅរោងចក្រកែច្នៃស្បែកសត្វរបស់ក្រុមហ៊ុនគូប៊ុន (ខេមបូឌា) បាយអថេកណឡជី KUBON (CAMBODIA) BIOTECHNOLOGY CO., LTD. ក្នុងឃុំសាមគ្គី ស្រុកព្រៃនប់ ខេត្តព្រះសីហនុកាលពីថ្ងៃទី០៣ ខែមេសា ឆ្នាំ២០២៦កន្លងទៅ ។\nគួររំឮកផងដែរថា រោងចក្ររបស់ក្រុមហ៊ុនកែច្នៃស្បែកសត្វគូប៊ុន នេះបានបំពុលបរិស្ថាន ធ្វើឱ្យប៉ះពាល់ដល់ជីវចម្រុះជុំវិញតំបន់ កាលពីថ្ងៃទី២២ ខែតុលា ឆ្នាំ២០២៥ កន្លងទៅ លោក ឡុង ឌីម៉ង់ អភិបាលរងខេត្តព្រះសីហនុក៍បានដឹកនាំក្រុមការងាររដ្ឋបាលខេត្តចុះផ្អាកដំណើរការផលិតកម្មទាំងស្រុង និងទម្លាក់អានុភាពអគ្គិសនីមកត្រឹមកម្រិតអប្បបរមារហូតដល់មានការកែតម្រូវឱ្យស្របតាមស្តង់ដារបច្ចេកទេសឡើងវិញផងដែរ ៕\nដោយ៖ ប៉ៃ សុឃីម","contentScope":"full","proof":{"publishedSourceRevision":"1","publishedWorkingVersionId":"14257","languageVersionId":"8851","visibilityVersion":"2","versionToken":"a1.IdrtukI54FH5A0Ie_CpEY-ecSRFggBLiG6T0Art_MuA"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-04-05T07:14:35Z"}