{"asset":"news","key":"5945","locale":"km","id":"news:5945:km","entityId":"news:5945","canonicalUrl":"https://www.kps-tv.com/km/news/detail/5945","state":"ready","title":"អភិបាលខេត្តព្រះសីហនុប្រៀបស្គេមអនឡាញទៅនឹងចោរ និងជំរុញការបង្ក្រាបបន្ត","summary":"លោក ម៉ាង ស៊ីណេត បានរៀបរាប់ក្នុងជំនួបថ្ងៃទី៧ មេសា អំពីការបង្ក្រាបនៅក្រុងស្រុកទាំង៦ គោលដៅ៩៤ និងកាមេរ៉ានៅ៣៤ទីតាំង។","body":"លោក ម៉ាង ស៊ីណេត អភិបាលខេត្តព្រះសីហនុ បានលើកឡើងថា តាមបទបញ្ជារបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក្រុងស្រុកទាំង៦ក្នុងខេត្តកំពុងបង្ក្រាបស្គេមអនឡាញយ៉ាងម៉ឺងម៉ាត់ ដោយមានការចូលរួមពីគ្រប់ភាគីពាក់ព័ន្ធ។\nលោកបានថ្លែងក្នុងជំនួបសម្ដែងការគួរសម និងពិភាក្សាការងារពាក់ព័ន្ធនឹងល្បែងពាណិជ្ជកម្ម ជាមួយលោក យ៉េត វីណែល អគ្គលេខាធិការ គ.ល.ក នៅរសៀលថ្ងៃទី៧ មេសា ២០២៦ នាអគារក្រុមប្រឹក្សាខេត្ត។\nអភិបាលខេត្តបានបញ្ជាក់ថា ក្រុងស្រុកចំនួន៥ត្រូវម្ចាស់ការបង្ក្រាបដោយខ្លួនឯង ហើយក្រុមការងារខេត្តចុះជួយពេលមានបញ្ហា។ ចំពោះក្រុងព្រះសីហនុដែលស្មុគស្មាញ ក្រុមការងារខេត្តនិងក្រុងបានសហការលើគោលដៅ៩៤ ដែលកម្លាំងចម្រុះគណៈបញ្ជាការរដ្ឋបាលខេត្តបានគ្រប់គ្រង។ ទោះមានកន្លែងខ្លះលបលួចកើតឡើងវិញ កម្លាំងសមត្ថកិច្ចនៅតែបន្តចុះបង្ក្រាប។\nលោកបានប្រៀបបញ្ហាស្គេមអនឡាញទៅនឹងចោរ និងបញ្ជាក់ថា ត្រូវអនុវត្តបង្ក្រាបជាបន្តបន្ទាប់ ឱ្យអស់ពីខេត្តតាមគោលការណ៍រដ្ឋាភិបាល ដោយគ្មានការលើកលែង។\nលោកក៏បានឱ្យដឹងថា មានការបំពាក់កាមេរ៉ាសុវត្ថិភាពនៅគោលដៅដែលបានបង្ក្រាបចំនួន៣៤ទីតាំង ដើម្បីជួយសម្រួលការងារកម្លាំងសមត្ថកិច្ច។\nលោក យ៉េត វីណែល បានលើកឡើងថា គោលដៅរួមគឺបង្ក្រាបបោសសម្អាតស្គេមអនឡាញ ដោយសហការ២៤ម៉ោងជាមួយសមត្ថកិច្ចនិងរដ្ឋបាលខេត្ត ដើម្បីអនុវត្តបទបញ្ជារដ្ឋាភិបាល។\nលោកបញ្ជាក់ថា កាស៊ីណូដែលរកឃើញបង្កប់ស្គេមអនឡាញនឹងត្រូវដកអាជ្ញាបណ្ណ ហើយក្រុមការងារកំពុងអនុវត្តជាបន្តបន្ទាប់ ដើម្បីធានាគុណភាពនិងប្រសិទ្ធភាពការងារទូទាំងប្រទេស។\nអត្ថបទ៖ ប៉ៃ សុឃីម\nរូបភាព៖ ទាវ វិឆាត","contentScope":"full","proof":{"publishedSourceRevision":"1","publishedWorkingVersionId":"14214","languageVersionId":"8739","visibilityVersion":"2","versionToken":"a1.VBkV2R-dvVF40B5eR5XaFVoXuXW-TQjqQtD2oIjhAoQ"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-04-07T12:11:24Z"}