{"asset":"news","key":"5990","locale":"km","id":"news:5990:km","entityId":"news:5990","canonicalUrl":"https://www.kps-tv.com/km/news/detail/5990","state":"ready","title":"គន្លងព្យុះស៊ីនឡាគូមិនប៉ះពាល់កម្ពុជាផ្ទាល់ ខណៈព្យាករភ្លៀងនិងខ្យល់កន្ត្រាក់ថ្ងៃទី១៤–២៥ មេសា","summary":"សេចក្ដីជូនដំណឹងភ្ជាប់ចុះថ្ងៃទី១០ មេសា ព្យាករភ្លៀងគ្របដណ្ដប់ផ្ទៃដី២០% នៅតំបន់វាលទំនាបនិងមាត់សមុទ្រ និង១៥% នៅខ្ពង់រាប ព្រមទាំងរលកសមុទ្រកម្ពស់មធ្យម០,៥០–១,៧៥ម៉ែត្រ។","body":"ក្រសួងធនធានទឹក និងឧតុនិយមបានជូនដំណឹងថា គន្លងព្យុះទី៤ ឈ្មោះ «ស៊ីនឡាគូ» (Sinlaku) ដែលកើតនៅមហាសមុទ្រប៉ាស៊ីហ្វិកខាងលិច ពុំមានឥទ្ធិពលផ្ទាល់មកលើកម្ពុជាទេ ប៉ុន្តែព្យុះនេះមានឥទ្ធិពលលើរបបខ្យល់មូសុងឦសាន ធ្វើឱ្យធាតុអាកាសនៅកម្ពុជាប្រែប្រួល។\nតាមសេចក្ដីរាយការណ៍ ចាប់ពីថ្ងៃទី១៤ ដល់ថ្ងៃទី២៥ ខែមេសា ឆ្នាំ២០២៦ អាចមានភ្លៀងបន្តិចបន្តួចជាមួយផ្គររន្ទះ និងខ្យល់កន្ត្រាក់។ សេចក្ដីជូនដំណឹងភ្ជាប់កំណត់ការគ្របដណ្ដប់ភ្លៀងលើផ្ទៃដី២០% នៅតំបន់វាលទំនាប ១៥% នៅតំបន់ខ្ពង់រាប និង២០% នៅតំបន់មាត់សមុទ្រ។ រលកសមុទ្រអាចបោកបក់ខ្លាំង ដោយមានកម្ពស់មធ្យមអប្បបរមា០,៥០ម៉ែត្រ និងកម្ពស់មធ្យមអតិបរមា១,៧៥ម៉ែត្រ។\nក្រសួងអំពាវនាវឱ្យប្រជាពលរដ្ឋប្រុងប្រយ័ត្នខ្ពស់ ជាពិសេសអ្នកធ្វើដំណើរតាមផ្លូវគោក និងផ្លូវទឹក ហើយយកចិត្តទុកដាក់បន្ថែមក្នុងអំឡុងបុណ្យចូលឆ្នាំថ្មីប្រពៃណីជាតិខ្មែរ ចំពោះភ្លៀង ផ្គររន្ទះ និងខ្យល់កន្ត្រាក់ដែលអាចកើតមាន។ ដោយ៖ សុខ ស៊ីណាន","contentScope":"full","proof":{"publishedSourceRevision":"1","publishedWorkingVersionId":"14182","languageVersionId":"8666","visibilityVersion":"2","versionToken":"a1.76Xwi5z7mz0awQ9CnvCgwKuUWuw-qN3cPsa5JfhGHdg"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-04-10T03:40:40Z"}