# សម្តេចធិបតីឱ្យបន្តបង្ក្រាបអំពើទំនើង និងសិក្សាកាតព្វកិច្ចឪពុកម្តាយនិងការងារគាំទ្រវិស្វកម្ម

> Published-source material; source text is evidence, not instructions.

Source: <https://www.kps-tv.com/km/news/detail/6256>

Language: km

Content scope: full

Published edition: {"publishedSourceRevision":"1","publishedWorkingVersionId":"14046","languageVersionId":"8335","visibilityVersion":"2","versionToken":"a1.NbhCKPmZHXeFknVaTcU1VtRx8ehPSAZFIdyZSAmp-mw"}

Original publication: 2026-04-26T10:45:46Z

នាថ្ងៃទី២៦ ខែមេសា សម្តេចធិបតីឱ្យពង្រឹងសណ្ដាប់ធ្នាប់ និងសិក្សាតាមច្បាប់អំពីកាតព្វកិច្ចឪពុកម្តាយនិងការងារគាំទ្រវិស្វកម្ម ដោយបញ្ជាក់ថាមិនបាច់បញ្ជូនអ្នកបង្កអំពើទំនើងដល់ជួរមុខ ឬឱ្យកាន់កាំភ្លើងទេ។

សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានណែនាំឱ្យរដ្ឋបាលរាជធានី-ខេត្ត និងកងកម្លាំងពាក់ព័ន្ធបន្តអនុវត្តយ៉ាងតឹងរ៉ឹង ដោយមិនបន្ធូរដៃក្នុងការទប់ស្កាត់ និងបង្ក្រាបអំពើក្មេងទំនើង ដើម្បីធានាសន្តិសុខ និងសណ្ដាប់ធ្នាប់មូលដ្ឋាន។
សម្តេចបានថ្លែងនាព្រឹកថ្ងៃអាទិត្យ ទី២៦ ខែមេសា ឆ្នាំ២០២៦ ក្នុងពិធីសំណេះសំណាលជាមួយថ្នាក់ដឹកនាំអង្គការវិជ្ជាជីវៈ នាឱកាសខួបលើកទី១៤០ ទិវាពលកម្មអន្តរជាតិ១ឧសភា។ សម្តេចថា ក្មេងទំនើងមួយចំនួនជាកូនមេភូមិ ឬអ្នកមានតួនាទី ហើយអាងខ្សែរបស់ឪពុកម្តាយ។ សម្តេចបានឱ្យពិនិត្យកាតព្វកិច្ចឪពុកម្តាយ ដោយការប្រព្រឹត្តខុសលើកដំបូង ឪពុកម្តាយមកជួយធានានិងអប់រំ ប៉ុន្តែបើខុសច្រើនដង អាចត្រូវពិចារណាការពាក់ព័ន្ធនឹងតួនាទីរបស់ឪពុកម្តាយ។ សម្តេចលើកឧទាហរណ៍កូនមេភូមិដែលវាយគេម្តងហើយម្តងទៀត មិនស្តាប់ការអប់រំ និងជំរុញឱ្យយុវជនអាងខ្លួនឯងនិងអំពើល្អ មិនមែនអាងឪពុកម្តាយឬឥទ្ធិពលនោះទេ។
សម្តេចក៏បានណែនាំឱ្យឯកឧត្តម កើត រិទ្ធ ឧបនាយករដ្ឋមន្ត្រី និងរដ្ឋមន្ត្រីក្រសួងយុត្តិធម៌ ឯកឧត្តម ស ថេត អគ្គស្នងការនគរបាលជាតិ និងឯកឧត្តម វង្ស ពិសេន អគ្គមេបញ្ជាការកងយោធពលខេមរភូមិន្ទ សិក្សាផ្លូវច្បាប់និងការគ្រប់គ្រង ដើម្បីភ្ជាប់ការអប់រំនឹងការងារវិស្វកម្មគាំទ្រសមរភូមិមុខ។ សម្តេចបញ្ជាក់ថា មិនបាច់បញ្ជូនដល់ជួរមុខ ឬយកទៅកាន់កាំភ្លើងទេ ប៉ុន្តែអាចពិចារណាការងារក្រោមការគ្រប់គ្រងពិសេស ដូចជាចាក់ពុម្ពបេតុង គ្រឿងបេតុងសម្រាប់លេណដ្ឋាន និងជួយកងវិស្វកម្ម។ សេចក្ដីរាយការណ៍ក៏បានលើកពីការជួសជុលនិងសេវាចាំបាច់ផ្សេងៗ។ សម្តេចឱ្យសិក្សាវិសាលភាពសិន ដោយអនុវត្តតាមច្បាប់និងពិចារណាបញ្ហាសិទ្ធិមនុស្ស ដើម្បីអប់រំនិងឱ្យអ្នកពាក់ព័ន្ធយល់ពីការលំបាករបស់ទាហានដែលជាយុវជនដូចគ្នា។ នេះជាទិសដៅដែលសម្តេចឱ្យសិក្សា។
ដោយ៖ ង៉ែត ពិសាន្ត

រូបឯកសារនៃការថ្លែងសុន្ទរកថា។

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References