{"asset":"news","key":"6283","locale":"km","id":"news:6283:km","entityId":"news:6283","canonicalUrl":"https://www.kps-tv.com/km/news/detail/6283","state":"ready","title":"អគ្គនាយករងអន្តោប្រវេសន៍ត្រូវបានអនុញ្ញាតឱ្យស្ថិតក្នុងភាពទំនេរគ្មានបៀវត្សរយៈពេល១ឆ្នាំ","summary":"ឧត្តមសេនីយ៍ទោ វឌ្ឍនៈ មង្គល ទទួលការអនុញ្ញាតពីថ្ងៃទី១ ខែមីនា ឆ្នាំ២០២៦ ដល់ថ្ងៃទី១ ខែមីនា ឆ្នាំ២០២៧ និងត្រូវសុំចូលបម្រើការងារវិញឱ្យបាន២ខែមុនផុតកំណត់ តាមអនុក្រឹត្យដែលភ្ជាប់ក្នុងអត្ថបទ។","body":"សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានសម្រេចអនុញ្ញាតឱ្យប៉ូលិសផ្កាយ២ម្នាក់ ឈប់សម្រាកពីការងារស្ថិតក្នុងភាពទំនេរគ្មានប្រាក់ខែក្នុងរយៈពេលពេញ១ឆ្នាំ។ បើតាមអនុក្រឹត្យរបស់សម្តេចធិបតីនាយករដ្ឋមន្រ្តី ដែលទើបទទួលបាននៅថ្ងៃទី២៨ ខែមេសានេះ បានអនុញ្ញាតឱ្យឧត្តមសេនីយ៍ទោ វឌ្ឍនៈ មង្គល មុខតំណែងជា អគ្គនាយករង នៃអគ្គនាយកដ្ឋានអន្តោប្រវេសន៍ ឈប់សម្រាកពីការងារដោយស្ថិតក្នុងភាពទំនេរគ្មានបៀវត្សរយៈពេល១ឆ្នាំ ដោយរាប់គិតចាប់ពីថ្ងៃទី០១ ខែមីនា ឆ្នាំ២០២៦រហូតដល់ថ្ងៃទី០១ ខែមីនា ឆ្នាំ២០២៧។\nការសម្រេចអនុញ្ញាតឱ្យមន្រ្តីនគរបាលជាន់ខ្ពស់រូបនេះឈប់សម្រាកពីការងារដោយស្ថិតក្នុងភាពទំនេរគ្មានប្រាក់ខែរយៈពេលពេញ១ឆ្នាំដូច្នេះ ធ្វើឡើងតាមសំណើរបស់ឯកឧត្តម ស សុខា រដ្ឋមន្ដ្រីក្រសួងមហាផ្ទៃ។ ដោយឡែក ក្នុងអនុក្រឹត្យរបស់សម្តេចធិបតី បានបញ្ជាក់ដែរថា ឧត្តមសេនីយ៍ទោ វឌ្ឍនៈ មង្គល ត្រូវដាក់ពាក្យសុំចូលបម្រើការងារនៅអង្គភាពដើមវិញឱ្យបាន២ខែមុនពេលផុតកំណត់នៃរយៈពេលស្ថិតនៅក្នុងភាពទំនេរដោយគ្មានប្រាក់ខែ។ ក្នុងករណី ហួសការកំណត់ខាងលើនេះ នឹងចាត់ទុកថា បោះបង់ចោលការងារ និងត្រូវលុបឈ្មោះចេញពីក្របខណ្ឌមន្រ្តីនគរបាលជាតិជាមិនខាន៕\nដោយ៖ ង៉ែត ពិសាន្ត\n\nរូបថតចម្លងនៃអនុក្រឹត្យដែលភ្ជាប់ក្នុងអត្ថបទដើម។","contentScope":"full","proof":{"publishedSourceRevision":"1","publishedWorkingVersionId":"14009","languageVersionId":"8258","visibilityVersion":"2","versionToken":"a1.d_EwnU3loOn3WpAGpN8uppdD0e-Ka8CzgRTiRHzNyGU"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-04-28T06:41:50Z"}