{"asset":"news","key":"6300","locale":"km","id":"news:6300:km","entityId":"news:6300","canonicalUrl":"https://www.kps-tv.com/km/news/detail/6300","state":"ready","title":"គម្រោងរោងចក្រដំឡូងមី Guanshen Shengda ប្រមាណ២០លានដុល្លារ បើកការដ្ឋាននៅកំពង់ស្ពឺ","summary":"គម្រោងបើកការដ្ឋានថ្ងៃទី២៧ ខែមេសា ដើម្បីបង្កើនការកែច្នៃក្នុងស្រុក។ អត្ថបទផ្លូវការលើកពីទុនគម្រោង ទិន្នន័យវិស័យ និងចំណូលនិងសមត្ថភាពដែលរំពឹងក្រោយសាងសង់រួចនិងដំណើរការ។","body":"រោងចក្រកែច្នៃដំឡូងមី ត្រូវបានអភិវឌ្ឍដោយក្រុមហ៊ុន Guanshen Shengda Agriculture Industry Co., Ltd. ជាមួយទុនគម្រោងវិនិយោគសរុបប្រមាណ ២០ លានដុល្លារអាមេរិក ដោយមានគោលបំណងពង្រឹងសមត្ថភាពកែច្នៃដំឡូងមីក្នុងស្រុក គាំទ្រដល់កសិករ និងជំរុញកំណើននៃការនាំចេញ។\nកាលពីថ្ងៃទី២៧ ខែមេសា ឆ្នាំ២០២៦ រោងចក្រថ្មីនេះបានបើកការដ្ឋានសាងសង់នៅខេត្តកំពង់ស្ពឺ ដែលជាជំហានសំខាន់មួយក្នុងការបង្កើតតម្លៃបន្ថែមសម្រាប់វិស័យដំឡូងមី និងពង្រីកវិស័យកសិ-ឧស្សាហកម្មរបស់កម្ពុជា។\nក្នុងឱកាសនោះ ឯកឧត្តម សុន សេងហួត រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើកឡើងថា «វិស័យដំឡូងមីកំពុងផ្លាស់ប្តូរពីការនាំចេញជាវត្ថុធាតុដើម ទៅរកការកែច្នៃក្នុងស្រុក ដើម្បីបង្កើតតម្លៃបន្ថែមកាន់តែខ្ពស់»។\nកម្ពុជាមានបរិមាណផលិតកម្មដំឡូងមីប្រមាណ ១៣.៨៩ លានតោន ក្នុងឆ្នាំ២០២៣ ហើយវិស័យនេះកំពុងបន្តទាក់ទាញការវិនិយោគឯកជនធំៗ ស្របតាមគោលដៅអភិវឌ្ឍន៍វិស័យកសិ-ឧស្សាហកម្មរបស់រាជរដ្ឋាភិបាលកម្ពុជា។\nតាមរបាយការណ៍ នៅពេលនោះ មានរោងចក្រកែច្នៃដំឡូងមីចំនួន ១៦ កំពុងដំណើរការ (កើនឡើង ៩ រោងចក្រ ប្រៀបធៀបនឹងឆ្នាំ២០២០ ដែលមានតែ ៧ រោងចក្រ) ដែលបង្ហាញពីកំណើនយ៉ាងឆាប់រហ័សនៃសមត្ថភាពកែច្នៃក្នុងស្រុក។ ទន្ទឹមនឹងនេះ កម្ពុជាក៏បានអភិវឌ្ឍស្តង់ដាជាតិចំនួន ៤ សម្រាប់វិស័យដំឡូងមី រួមមាន៖ ស្តង់ដា CS056:2007 សម្រាប់ផលិតម្សៅដំឡូងមី (Tapioca Flour), ស្តង់ដា CS058:2008 សម្រាប់ម្សៅអាមីដុងដំឡូងមី (Tapioca Starch), ស្តង់ដា CS328:2014 សម្រាប់ដំឡូងមីផ្អែម និងស្តង់ដា CS516:2014 សម្រាប់ការគ្រប់គ្រងអាស៊ីត Hydrocyanic (HCN) ដើម្បីឆ្លើយតបទៅនឹងតម្រូវការគុណភាពផលិតផល និងតម្រូវការទីផ្សារ។ របាយការណ៍បានភ្ជាប់ស្តង់ដាចុងក្រោយនេះនឹងក្រមអនុវត្ត Codex សម្រាប់កាត់បន្ថយ HCN ក្នុងដំឡូងមី និងផលិតផលដំឡូងមី ដែលមានលេខយោងផ្លូវការ CXC 73-2013។\nបន្ទាប់ពីការសាងសង់ និងដាក់ឲ្យដំណើរការ រោងចក្រនេះរំពឹងថានឹងអាចបង្កើតចំណូលប្រចាំឆ្នាំប្រមាណ ៩០ លានដុល្លារអាមេរិក ដោយមានសមត្ថភាពផលិតម្សៅអាមីដុងដំឡូងមីសម្រេច ១០០,០០០ តោន ចំណិតដំឡូងមីស្ងួត ១០០,០០០ តោន និងសំណល់សម្រាប់ផលិតចំណីសត្វ ៣០,០០០ តោន ក្នុងមួយឆ្នាំ៕\nដោយ៖ ប៉ៃ សុឃីម\n\nរូបភាពពិធីបើកការដ្ឋានគម្រោង។","contentScope":"full","proof":{"publishedSourceRevision":"1","publishedWorkingVersionId":"13997","languageVersionId":"8234","visibilityVersion":"2","versionToken":"a1.Cohi9u9Dpkw9v2yzIO1GmKENwvFiO4s4bZwMoqjnUg0"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-04-29T03:36:14Z"}