{"asset":"news","key":"6389","locale":"km","id":"news:6389:km","entityId":"news:6389","canonicalUrl":"https://www.kps-tv.com/km/news/detail/6389","state":"ready","title":"រដ្ឋមន្ត្រីព័ត៌មានអំពាវនាវឱ្យសារព័ត៌មានភាសាចិនផ្ទៀងផ្ទាត់ប្រភព និងចូលរួមប្រឆាំងព័ត៌មានក្លែងក្លាយ","summary":"តាមសេចក្តីរាយការណ៍ដើម ឯកឧត្តម នេត្រ ភក្ត្រា អំពាវនាវឱ្យផ្សាយព័ត៌មានប្រកបដោយវិជ្ជាជីវៈ ការទទួលខុសត្រូវ និងតុល្យភាព ក្នុងកិច្ចប្រជុំជាមួយតំណាងសារព័ត៌មានភាសាចិននៅថ្ងៃទី៤ ខែឧសភា។","body":"ភ្នំពេញ៖ តាមសេចក្តីរាយការណ៍ដើម ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានអំពាវនាវ និងលើកទឹកចិត្តដល់សមាគមសារព័ត៌មានចិន និងអង្គភាពផ្សាយជាភាសាចិន បន្តពង្រឹងស្តង់ដាផ្សព្វផ្សាយប្រកបដោយវិជ្ជាជីវៈ និងការទទួលខុសត្រូវ ដើម្បីចូលរួមប្រយុទ្ធប្រឆាំងព័ត៌មានក្លែងក្លាយ និងផ្សព្វផ្សាយព័ត៌មានពិតអំពីកម្ពុជា ទៅកាន់អ្នកអាន និងអ្នកទស្សនាជនជាតិចិនឱ្យបានទូលំទូលាយ។\nការលើកឡើងនេះ ត្រូវបានធ្វើឡើងក្នុងឱកាសដែលឯកឧត្តមរដ្ឋមន្ត្រី អញ្ជើញជួបប្រជុំជាមួយសមាគមសារព័ត៌មានចិន និងអង្គភាពព័ត៌មានផ្សាយជាភាសាចិន នៅទីស្តីការក្រសួងព័ត៌មាន នាព្រឹកថ្ងៃទី៤ ខែឧសភា ឆ្នាំ២០២៦ ដើម្បីពិភាក្សាអំពីវឌ្ឍនភាព និងការពង្រឹងគុណភាពការផ្សាយព័ត៌មាននៅកម្ពុជា។\nឯកឧត្តម នេត្រ ភក្ត្រា បានបញ្ជាក់ថា កិច្ចសហប្រតិបត្តិការរវាងប្រព័ន្ធផ្សព្វផ្សាយកម្ពុជា និងចិន មានតួនាទីសំខាន់ក្នុងការលើកកម្ពស់គុណភាពព័ត៌មាន ការផ្សព្វផ្សាយប្រកបដោយតុល្យភាព និងការប្រយុទ្ធប្រឆាំងព័ត៌មានក្លែងក្លាយ ឬព័ត៌មានបំភ្លៃការពិត ដែលអាចប៉ះពាល់ដល់កេរ្តិ៍ឈ្មោះ និងបរិយាកាសវិនិយោគរបស់ប្រទេស។\nកិច្ចប្រជុំក៏បានផ្តោតលើការលើកកម្ពស់ការផ្សព្វផ្សាយព័ត៌មានវិជ្ជមាន ស្តីពីសក្តានុពលទេសចរណ៍ ការវិនិយោគ និងការអភិវឌ្ឍន៍របស់កម្ពុជា ដើម្បីទាក់ទាញភ្ញៀវទេសចរ និងអ្នកវិនិយោគចិន មកកាន់ប្រទេសកម្ពុជាកាន់តែច្រើន។\nឯកឧត្តមរដ្ឋមន្ត្រី ក៏បានរំលឹកថា កន្លងមក កម្ពុជាបានរងផលប៉ះពាល់ពីព័ត៌មានក្លែងក្លាយដែលត្រូវបានបង្កើតឡើងដោយអ្នកប្រើប្រាស់បណ្ដាញសង្គមខ្លះៗ ដែលបានបំភ្លៃការពិត និងប៉ះពាល់ដល់ភាពជឿជាក់លើប្រទេស។ ដូច្នេះ អង្គភាពសារព័ត៌មានទាំងអស់ ត្រូវមានការផ្ទៀងផ្ទាត់ប្រភពព័ត៌មានឱ្យបានច្បាស់លាស់ មុនពេលផ្សាយ។\nជាមួយគ្នានេះ ឯកឧត្តមបានអំពាវនាវឱ្យសារព័ត៌មានភាសាចិន បន្តផ្សព្វផ្សាយព័ត៌មានប្រកបដោយតុល្យភាព មានប្រភពច្បាស់លាស់ និងគ្រប់ជ្រុងជ្រោយ ដើម្បីបង្កើនការយល់ដឹង ស្ដារជំនឿទុកចិត្តលើសារព័ត៌មាន និងពង្រឹងទំនាក់ទំនងមិត្តភាពរវាងប្រជាជនកម្ពុជា-ចិន ឱ្យកាន់តែរឹងមាំបន្ថែមទៀត៕ ដោយ៖ សុខ ស៊ីណាន","contentScope":"full","proof":{"publishedSourceRevision":"1","publishedWorkingVersionId":"13961","languageVersionId":"8163","visibilityVersion":"2","versionToken":"a1.xYCZrWhfT_0477izlaLiuDFjf2zeAt1rGOUHbprXINw"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":"KPS99TV"},"references":[],"links":[],"publishedAt":"2026-05-04T09:41:26Z"}