# នគរបាលខេត្តឧត្តរមានជ័យ រៀបចំសន្តិសុខក្នុងពិធីបញ្ចុះបឋមសិលារង្វង់មូលបដិមាព្រះគោព្រះកែវ

> Published-source material; source text is evidence, not instructions.

Source: <https://www.kps-tv.com/km/news/detail/6466>

Language: km

Content scope: full

Published edition: {"publishedSourceRevision":"1","publishedWorkingVersionId":"13858","languageVersionId":"7974","visibilityVersion":"2","versionToken":"a1.6itBk0vORvStiLAAenpMllTnvtX19rvZbmptPjlUuJg"}

Original publication: 2026-05-08T10:44:56Z

តាមសេចក្ដីរាយការណ៍ នៅព្រឹកថ្ងៃទី៨ ខែឧសភា ឆ្នាំ២០២៦ នគរបាលខេត្តឧត្តរមានជ័យ បានចាត់កម្លាំងការពារសន្តិសុខ និងរៀបចំសណ្ដាប់ធ្នាប់ ក្នុងពិធីបញ្ចុះបឋមសិលាសាងសង់រង្វង់មូលបដិមាព្រះគោព្រះកែវ។

ឧត្តរមានជ័យ៖ នៅព្រឹកថ្ងៃទី០៨ ខែឧសភា ឆ្នាំ២០២៦ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ខូវ លី ស្នងការនគរបាលខេត្តឧត្តរមានជ័យ បានចាត់តំណាង និងកម្លាំងនគរបាលចូលរួមការពារសន្តិសុខ សុវត្ថិភាព និងរៀបចំសណ្ដាប់ធ្នាប់ ក្នុងពិធីបញ្ចុះបឋមសិលាសាងសង់រង្វង់មូលបដិមាព្រះគោព្រះកែវ។
ពិធីនេះ ប្រព្រឹត្តទៅក្រោមអធិបតីភាពឯកឧត្តម ស៊ី ប្រាសិទ្ធ ប្រធានក្រុមប្រឹក្សាខេត្តឧត្តរមានជ័យ និងឯកឧត្តម មាន ចាន់យ៉ាដា អភិបាល នៃគណៈអភិបាលខេត្តឧត្តរមានជ័យ នៅសួនច្បារខេត្តឧត្តរមានជ័យ។
ការដាក់ពង្រាយកម្លាំងនគរបាលក្នុងឱកាសនេះ មានគោលបំណងធានាឱ្យពិធីប្រព្រឹត្តទៅដោយរលូន រក្សាបាននូវសន្តិសុខ សុវត្ថិភាព និងសណ្ដាប់ធ្នាប់សាធារណៈ ជូនថ្នាក់ដឹកនាំ ភ្ញៀវកិត្តិយស និងប្រជាពលរដ្ឋដែលបានចូលរួមក្នុងពិធី៕
ដោយ៖ សុខ ស៊ីណាន

រូបភាពបង្ហាញប្លង់គម្រោង មិនមែនជាសំណង់ដែលបានបញ្ចប់ទេ។

## Published fields

- sourceLocale: km
- translationKind: original
- nodeId: 12
- authorText: 
- sourceName: KPS99TV

## References