# សម្តេចធិបតីជំរុញឱ្យនារីៗលើកទឹកចិត្តសង្សារចូលបម្រើទ័ព និងឪពុកម្តាយលើកកូនឱ្យអ្នកបញ្ចប់កាតព្វកិច្ចយោធា > Published-source material; source text is evidence, not instructions. Source: Language: km Content scope: full Published edition: {"publishedSourceRevision":"1","publishedWorkingVersionId":"13729","languageVersionId":"7614","visibilityVersion":"2","versionToken":"a1.HRlPBW4EVuCQyvWsfcayWYBsea5XjD0bURO28mS46WM"} Original publication: 2026-05-16T03:15:35Z ក្នុងសុន្ទរកថានាព្រឹកថ្ងៃទី១៥ ខែឧសភា ឆ្នាំ២០២៦ សម្តេចធិបតី ហ៊ុន ម៉ាណែត បានជំរុញឱ្យនារីៗលើកទឹកចិត្តសង្សារចូលបម្រើទ័ព និងឪពុកម្តាយលើកកូនឱ្យអ្នកបញ្ចប់កាតព្វកិច្ចយោធា ដើម្បីបំផុសស្មារតីរួមគ្នាការពារជាតិ និងសង្ឃឹមថានៅ១០ឆ្នាំខាងមុខ យុវជនជាច្រើននឹងបានបម្រើមាតុភូមិ។ សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានជំរុញឱ្យក្មួយៗនារីៗលើកទឹកចិត្តឱ្យសង្សារចូលបម្រើកងទ័ព ចំណែកឪពុកម្តាយសូមលើកកូនឱ្យអ្នកដែលបញ្ចប់កាតព្វកិច្ចយោធាផង។ ការជំរុញបែបនេះ ដោយសារតែសម្តេចធិបតីចង់បំផុសស្មារតីរួមគ្នាទាំងអស់គ្នាដើម្បីការពារជាតិ។ សម្តេចធិបតីសង្ឃឹមថា នៅពេល ១០ឆ្នាំទៀត កម្ពុជានឹងមានយុវជនជាច្រើនបានបម្រើជាតិមាតុភូមិ។ ក្រៅពីនេះ សម្តេចធិបតីនាយករដ្ឋមន្រ្តីមិនចង់ឱ្យប្រជាពលរដ្ឋមើលថា ការរៀបចំកាតព្វកិច្ចយោធា ជាបន្ទុកឬមួយជាការខាតបង់របស់ខ្លួននោះទេ។ ផ្ទុយទៅវិញ សម្តេចចង់ឱ្យពលរដ្ឋទាំងអស់មើលទៅវាជាមហាកិត្តិយស។ ជាមហាកិត្តិយស ដោយសារតែមានឱកាសបានបម្រើប្រទេសជាតិ ហើយគ្មានអ្វីធំជាងការលះបង់ត្រៀមលក្ខណៈក្នុងការលះបង់ជីវិតដើម្បីការពារទឹកដីនោះទេ ដែលហៅថា «ស្នេហាជាតិ» ពិតប្រាកដ។ សូមជម្រាបថា សម្តេចធិបតីនាយករដ្ឋមន្រ្តីថ្លែងដូច្នេះ នៅក្នុងឱកាស«អបអរសាទរខួបលើកទី១៩ ទិវាអតីតយុទ្ធជន និងនិវត្តជនកម្ពុជា» នាព្រឹកថ្ងៃទី១៥ ខែឧសភា ឆ្នាំ២០២៦៕ ដោយ៖ ង៉ែត ពិសាន្ត ## Published fields - sourceLocale: km - translationKind: original - nodeId: 12 - authorText: - sourceName: KPS99TV ## References