# ៤ខែដំបូង ឆ្នាំ២០២៦ កម្ពុជាទទួលបានអ្នកដំណើរតាមផ្លូវអាកាសជាង ២លាននាក់ > Published-source material; source text is evidence, not instructions. Source: Language: km Content scope: full Published edition: {"publishedSourceRevision":"1","publishedWorkingVersionId":"13726","languageVersionId":"7605","visibilityVersion":"2","versionToken":"a1.vfMnpIqxTEYmu3YeYgE3ZeOY6nGAMcBcu4ZzdjOrGxU"} Original publication: 2026-05-17T02:35:22Z ក្នុងរយៈពេល៤ខែដំបូង ឆ្នាំ២០២៦ អាកាសយានដ្ឋានអន្តរជាតិទាំង៣នៅកម្ពុជាទទួលបានអ្នកដំណើរចេញ-ចូលសរុប ២,៤២៨,០០៩នាក់ ថយចុះប្រមាណ ៤% ខណៈទំនិញតាមផ្លូវអាកាសមានចំនួន ៣០,៤៤៨តោន កើនឡើងប្រមាណ ៣៦% បើធៀបនឹងរយៈពេលដូចគ្នាក្នុងឆ្នាំ២០២៥។ ក្នុងរយៈពេល៤ខែដំបូង ឆ្នាំ២០២៦ កម្ពុជាទទួលបានអ្នកដំណើរតាមផ្លូវអាកាសសរុបជាង ២លាននាក់ ខណៈចំនួននេះមានការថយចុះប្រមាណ ៤% បើធៀបនឹងរយៈពេលដូចគ្នាក្នុងឆ្នាំ២០២៥។ បើតាមការបញ្ជាក់របស់ឯកឧត្តម ស៊ីន ចាន់សិរីវុត្ថា រដ្ឋលេខាធិការ និងជាអ្នកនាំពាក្យអាកាសចរណ៍ស៊ីវិល បានឲ្យដឹងថា ចាប់ពីខែមករា ដល់ខែមេសា ឆ្នាំ២០២៦ អាកាសយានដ្ឋានអន្តរជាតិទាំង៣ រួមមាន តេជោ សៀមរាបអង្គរ និងព្រះសីហនុ ទទួលជើងហោះហើរចេញ-ចូល (ទ្វេទិស) សរុបចំនួន ២៣,២០៤ជើង កើនឡើងប្រមាណ ២%។ ដោយឡែក ចំនួនអ្នកដំណើរចេញ-ចូល (ទ្វេទិស) មានសរុប ២,៤២៨,០០៩នាក់ ថយចុះប្រមាណ ៤% ខណៈការដឹកជញ្ជូនទំនិញតាមផ្លូវអាកាសមានចំនួន ៣០,៤៤៨តោន កើនឡើងដល់ ៣៦%។ ឯកឧត្តម ស៊ីន ចាន់សិរីវុត្ថា បន្ថែមថា គិតត្រឹមថ្ងៃទី១ ដល់ថ្ងៃទី១៥ ខែឧសភា ឆ្នាំ២០២៦ មានក្រុមហ៊ុនអាកាសចរណ៍ចំនួន ៣៣ ក្រុមហ៊ុន កំពុងប្រតិបត្តិការហោះហើរចេញ-ចូលនៅកម្ពុជា ក្នុងនោះមានក្រុមហ៊ុនក្នុងស្រុក ៤ និងអន្តរជាតិ ២៩។ ជើងហោះហើរប្រចាំសប្តាហ៍ (ទ្វេទិស) ត្រូវបានកត់ត្រាថា៖ អាកាសយានដ្ឋានអន្តរជាតិតេជោ៖ ៧០៨ជើង/សប្តាហ៍ អាកាសយានដ្ឋានអន្តរជាតិសៀមរាបអង្គរ៖ ២២៤ជើង/សប្តាហ៍ អាកាសយានដ្ឋានអន្តរជាតិព្រះសីហនុ៖ ៥០ជើង/សប្តាហ៍ អាកាសយានដ្ឋានតារាសាគរ៖ ៤ជើង/សប្តាហ៍ ជាមួយគ្នានេះ ឯកឧត្តមក៏បានកត់សម្គាល់ថា ជើងហោះហើររបស់ក្រុមហ៊ុនអាកាសចរណ៍ឡាវ Lao Airlines (QV) មកកាន់អាកាសយានដ្ឋានអន្តរជាតិសៀមរាបអង្គរ ត្រូវបានផ្អាកជាបណ្តោះអាសន្ន ខណៈជើងហោះហើររវាង បាងកក-ភ្នំពេញ-បាងកក ក៏មានការថមថយមួយចំនួនផងដែរ៕ ដោយ៖ ប៉ៃ សុឃីម ## Published fields - sourceLocale: km - translationKind: original - nodeId: 12 - authorText: - sourceName: KPS99TV ## References